QazUAÝ stýdentteri naýryz merekesin atap ótti
ALMATY. 16 sáýir. QazAqparat /Erbol Azanbek/ - Búgin Almatyda «Táýelsiz Qazaqstannyń 20-shy naýryzy - aqtalǵan úmitter men jańa maqsattardyń kóktemi» uranymen Qazaq ulttyq agrarlyq ýnıversıtetiniń stýdentteri kóktem merekesi naýryzdy atap ótti.
Shara barysynda teatrlandyrylǵan kórinister qórsetilip, stýdenttik kórkemónerpazdar uıymdarynyń kontsertteri qoıyldy. Sharany ýnıversıtet rektory Tilektes Espolov ashyp, jınalǵandardy naýryz merekesimen quttyqtady. Sondaı-aq QazUAÝ ǵalymdary men stýdentteriniń táýelsizdik jyldaryndaǵy jetistikterine toqtalyp, qazaqstandyq agrarlyq ǵylym men bilimine úles qosqan qaıratkerlerge alǵys bildirdi. Ýnıversıtet aldynda turǵan mańyzdy tapsyrmalardy atap ótti. «Alǵashqy kezekte zaman talabyna saı biligi joǵary maman daıyndaý basty maqsatymyz»,- dedi ýnıversıtet rektory.
Sharaǵa stýdentter, oqytýshylarmen qatar Almaty qalasy ákimdiginiń, Qazaqstannyń Halyqtar assambleıasynyń, Respýblıkalyq áıelder keńesiniń prezıdıým músheleri qatysty.
