Kaztube.kz konkýrs jarııalaıdy
ASTANA. 17 naýryz. QazAqparat - Kaztube.kz saıty Naýryz meıramyna oraı 15 jáne 30 naýryz aralyǵynda áýesqoı vıdeo túsirýshiler arasynda konkýrs jarııalap otyr. Bul týraly saıt júrgizýshileri habarlap otyr.
Konkýrs sharty boıynsha kez kelgen úmitker óziniń Naýryzdy qalaı toılaǵanyn beınetaspaǵa jazyp alyp, birneshe epızodty biriktirip, ádemi materıal daıyndap, saıt mekenjaıyna jiberýi tıis.
Konkýrs talaptary:
Kaztube.kz saıtyna tirkelińiz.
- Erkin janrda erekshe beıne túsirip, kaztube.kz saıtyndaǵy «konkýrs «Naýryz» sanatyna beıneni júkteńiz.
- Beınematerıaldar 30 naýryzǵa deıin qabyldanady.
- Jeńimpazdar vıdeonyń tanymaldylyǵyna baılanysty anyqtalady.
Úzdik dep tanylǵan tórt beınerolık ıesiniń til úırený mektebine joldama jeńip alatyn múmkindigi bar.
