Qaztsınktegi jarylystan zardap shekken jumysshylardyń biri aýrýhanada kóz jumdy

Bul týraly «Qaztsınk» kompanııasynan málim etti.

- Jazataıym oqıǵa saldarynan aýyr jaraqat alǵan qyzmetkerlerdiń biri búgin túnde aýrýhanada kóz jumǵanyn tereń kúızelispen habarlaımyz.

Marqumnyń týǵan-týystary men jaqyndaryna qaıǵyra kóńil aıtamyz. Kompanııa qaza bolǵan qyzmetkerdiń otbasyna qajetti qoldaý kórsetip jatyr, - delingen habarlamada.

Búginde óndiristik alańda apat saldaryn joıý jumystary men memlekettik organdarmen birlesken tergeý jalǵasyp jatyr.

- Qazirgi ýaqytta Óskemen metallýrgııalyq kesheni myrysh jáne qorǵasyn zaýyttaryndaǵy óndiristik qýatty ýaqytsha tómendetip jumys isteýde, - delingen aqparatta.

Eske salsaq, buǵan deıin Óskemendegi kásiporynda jarylys bolǵany habarlanǵan. Sonyń saldarynan eki adam qaza bolyp, beseýi zardap shekti. 

Premer-mınıstr Oljas Bektenov Óskemendegi jarylysty jeke baqylaýyna aldy.

Jarylysqa qatysty polıtsııa qylmystyq is qozǵady.