Qaztsınktegi jarylystan zardap shekken jumysshyǵa Astanada ota jasaldy
ÓSKEMEN. KAZINFORM - «Qaztsınk» kásipornynda bolǵan apattan zardap shekkenderdiń biri qazir Astanada em qabyldap jatyr.
Bul jumysshy 5 mamyr kúni bolǵan jarylys kezinde omyrtqasynan aýyr jaraqat alǵan. Ony Óskemennen elordaǵa jetkizý úshin sanıtarlyq avıatsııa tartylǵan.
Búgin naýqasqa ota jasaldy.
— Tańerteń ota jasalyp, omyrtqasyna metall bekitkish ornatyldy. Jalpy jaǵdaıy jaqsy. Dárigerlermen turaqty baılanystamyz, — dedi «Qaztsınk» JShS basqarýshy dırektory Andreı Lazarev.
Onyń aıtýynsha, qazirgi ýaqytta zardap shekken adamnyń ómirine qaýip joq.
— Mamandandyrylǵan medıtsınalyq kómektiń deńgeıi elordada joǵary. Sondyqtan sanıtarlyq avıatsııamen birlesip, naýqasty Astanaǵa jetkizýdi uıymdastyrdyq, — dedi ol.
Dárigerler ázirge naýqastyń tolyq qalpyna kelýine qatysty naqty boljam jasaı almaı otyr. Qazirgi ýaqytta mamandar onyń jaǵdaıyn turaqtandyrý jáne aldaǵy ońaltý sharalaryn júrgizý úshin barlyq qajetti kómekti kórsetip jatyr.
Eske salsaq, osyǵan deıin Qaztsınktegi jarylystan zardap shekken jumysshylardyń biri aýrýhanada kóz jumǵany habarlanǵan.
