Kaztsınktegi oqıǵa: Apattardyń aldyn alý sharalary ázirlenedi
ASTANA. KAZINFORM — «Kaztsınk» nysanyndaǵy oqıǵa boıynsha arnaıy keńes ótti, dep habarlaıdy Ónerkásiptik qaýipsizdik komıtetiniń baspasóz qyzmeti.
Shyǵys Qazaqstan oblysy ákiminiń orynbasary B.Q. Baıahmetovtyń jáne Ónerkásiptik qaýipsizdik komıtetiniń tóraǵasy R. K. Dýbaevtyń tóraǵalyq etýimen «Kaztsınk» JShS MK ÓK KM-de (Óskemen metallýrgııa kesheni) 2026 jylǵy 5 mamyrda bolǵan apatty tergeý boıynsha jumys keńesi ótti.
Jıyn barysynda komıssııa men memlekettik organdar jumysynyń basym baǵyttary aıqyndalyp, kompanııa basshylyǵyna nysandaǵy qaýipsizdikti qamtamasyz etý jóninde naqty tapsyrmalar berildi.
— Kezdesý qorytyndysy boıynsha qatysýshylarǵa oqıǵanyń naqty sebepterin anyqtaý úshin qosymsha saraptamalar júrgizý jáne osyǵan uqsas apattardyń aldyn alý sharalaryn ázirleý boıynsha mindetter júkteldi, — delingen habarlamada.
Eske salsaq, 5 mamyrda Óskemendegi kásiporyndardyń birinde jarylys boldy.
«Kaztsınk» kásipornyndaǵy jarylystan 9 adam zardap shekti, olardyń úsheýi aýyr jaǵdaıda ekeni aıtyldy.
Oljas Bektenov Óskemendegi jarylysty jeke baqylaýyna alǵany anyqtaldy.
Ókinishke qaraı, zardap shekkenderdiń ekeýi jarylystan qaza bolǵany habarlandy.
Kásipornyndaǵy jarylys kezinde tseh opyrylyp, qaýipti aımaqta 32 adam bolǵan.
