«Kaztsınktegi» apattan denesiniń 90%-yn kúıik shalǵan adamdy emdeý úshin Astanadan dárigerler keledi
ÓSKEMEN. KAZINFORM – Óskemen qalasyndaǵy «Kaztsınk» JShS-da bolǵan jarylystan zardap shekken naýqasqa kómek kórsetý úshin Astanadan Ulttyq shuǵyl medıtsınany úılestirý ortalyǵynyń mamandary arnaıy keledi.
Dárigerlerdiń málimetinshe, zardap shekken er adamnyń denesiniń 90 paıyzyn keń aýqymdy termııalyq kúıik shalyp, tynys alý joldary men kózi zaqymdanǵan.
«Kaztsınk» kompanııasynyń málimetinshe, emdeý sharalaryn kúsheıtý maqsatynda respýblıkalyq deńgeıdegi mamandardy tartý týraly sheshim qabyldanǵan.
- Jýyq arada Óskemenge arnaıy bortpen Ulttyq shuǵyl medıtsınany úılestirý ortalyǵynyń dárigerleri keledi. Buǵan deıin telemedıtsınalyq keńes ótkizilip, sonyń barysynda naýqasty ary qaraı emdeý taktıkasy kelisildi, - delingen aqparatta.
Qazirgi ýaqytta er adam dárigerlerdiń turaqty baqylaýynda. Oǵan qarqyndy terapııa júrgizilip jatyr.
Eske salsaq, osyǵan deıin «Qaztsınk» kásipornyndaǵy jarylystan eki adam qaza bolyp, beseýi zardap shekkeni habarlanǵan.
