«Kaztsınkte» qaza bolǵan 2 jumysshynyń otbasyna 10 jyldyq jalaqysyna teń ótemaqy tólenedi
ÓSKEMEN. KAZINFORM – Óskemen qalasyndaǵy «Kaztsınk» kásiporny jarylys saldarynan kóz jumǵan qyzmetkerleriniń otbasylaryna qandaı qoldaý kórsetiletinin jarııa etti.
Kompanııa málimetine súıensek, qaza bolǵan eki qyzmetkeriniń otbasyna olardyń on jyldyq jalaqysy kóleminde ótemaqy tólenedi.
- Oljas Ramazanov pen Erjan Qamalıevti jerleý rásimderin uıymdastyrýǵa baılanysty barlyq shyǵyndy kásiporyn tolyqtaı óz moınyna alady, - delingen aqparatta.
Sonymen qatar «Kaztsınk» marqumdardyń otbasylaryna uzaq merzimdi qoldaý kórsetiletinin málimdedi.
- Kásiporyn qaza bolǵan qyzmetkerleriniń balalarynyń joǵary oqý oryndarynda bilim alý aqysyn tólep beredi. Em qabyldap jatqan jumysshylarǵa da arnaıy kómek qarastyrylǵan.
Olar qajetti medıtsınalyq kómekpen jáne dári-dármekpen qamtamasyz etiledi. Emdelip shyqqanǵa deıin olardyń jalaqysy tolyq kólemde saqtalady, - delingen habarlamada.
Eske salsaq, osyǵan deıin «Qaztsınk» kásipornyndaǵy jarylystan eki adam qaza bolyp, beseýi zardap shekkeni habarlanǵan.
