«Qaztsınk» kásipornyndaǵy jarylystan zardap shekkenderdiń biri sanavıatsııamen Astanaǵa jetkiziledi

ShQO Densaýlyq saqtaý basqarmasynyń málimetine súıensek, respýblıkalyq deńgeıdegi mamandar oblystyq mamandandyrylǵan medıtsınalyq ortalyqqa baryp, em alyp jatqan naýqastarǵa qosymsha tekserý júrgizgen.

- 1983 jyly týǵan, bel omyrtqasynyń úshinshi omyrtqasy synǵan patsıentti dárigerler qarap shyqty. Ony áýe kóligimen tasymaldaýǵa bolady degen qorytyndy jasaldy, - dep habarlady vedomstvo ókilderi.

Búgin er adamdy sanıtarlyq avıatsııa arqyly Astanadaǵy Ulttyq shuǵyl medıtsınany úılestirý ortalyǵyna jetkizý josparlanyp otyr. Sol jaqta ol ary qaraıǵy mamandandyrylǵan em qabyldaıdy.

Al aýyr jaraqat alǵan ekinshi naýqastyń jaǵdaıy áli de asa aýyr kúıde qalyp otyr. Onyń denesiniń 90 paıyzyn kúıik shalǵan.

Eske salsaq, osyǵan deıin «Qaztsınktegi» jarylystan qaza bolǵan 2 jumysshynyń otbasyna 10 jyldyq jalaqysyna teń ótemaqy tólenetini habarlanǵan.