«Kaztsınk» kásipornyndaǵy órt tolyq sóndirildi
ASTANA. KAZINFORM — Qazaqstan TJM Strategııalyq josparlaý ortalyǵynyń bazasynda jedel shtab quryldy, dep habarlaıdy vedomstvonyń baspasóz qyzmeti.
— TJM kúshteri órtti tolyǵymen sóndirdi. Qurylymdardy bólshekteý jáne zardap shekkenderdi izdeý jumystary júrgizilip jatyr. Qazaqstan TJM Strategııalyq josparlaý ortalyǵynyń bazasynda jedel shtab quryldy. Jaǵdaı TJM baqylaýynda, — delingen habarlamada.
Eske salsaq, búgin Óskemendegi kásiporyndardyń birinde jarylys bolyp, arty órtke ulasty.
Keıinnen zaýyttaǵy jarylystan soń aýa sapasy tekserilip jatqany habarlandy.
Bastapqyda jarylystan 4 adam zardap shekkeni málim boldy.
Kóp uzamaı jarylystan 9 adam zardap shekkeni, olardyń úsheýi aýyr jaǵdaıda ekeni aıtyldy.
Oljas Bektenov Óskemendegi jarylysty jeke baqylaýyna alǵany anyqtaldy.
