«Qaztsınk» kásipornyndaǵy jarylys kezinde tseh opyrylyp, qaýipti aımaqta 32 adam bolǵan
ÓSKEMEN. KAZINFORM — Óskemen qalasynda «Qaztsınk» JShS-da bolǵan jarylysqa qatysty jańa málimetter belgili boldy.
ShQO Tótenshe jaǵdaılar departamentiniń málimetinshe, jarylys saldarynan óndiristik ǵımarattyń bir bóligi opyrylǵan.
— Oqıǵa ornyna jetken qutqarýshylar jarylys bolǵanyn anyqtady. Sonyń saldarynan tsehtyń bir bóligi opyryldy. Konstrýktsııalardyń janyp jatqany da baıqaldy, — dedi ShQO TJD bastyǵy Rashıd Blıalov.
Órt oqshaýlanǵannan keıin qutqarýshylar úıindilerdi arshý jumystaryna kiristi. Jalyn sharpyǵan aýmaq shamamen 120 sharshy metrdi qurady. Oqıǵa kezinde qaýipti aımaqta 32 adam bolǵan.
— Tikeleı oqıǵa epıtsentrinde úsh adam — aǵa sheber men eki jumysshy bolǵan. Oqıǵa saldarynan eki adam qaza bolyp, beseýi zardap shegip, medıtsına qyzmetkerlerine tapsyryldy, — dedi ol.
Qazirgi ýaqytta oqıǵa ornynda avarııalyq-qutqarý jumystary jalǵasyp jatyr. Oqıǵanyń sebepteri tekserý aıaqtalǵannan keıin anyqtalady, osy maqsatta arnaıy komıssııa da qurylmaq.
Buǵan deıin «Kaztsınk» kásipornyndaǵy jarylystan 9 adam zardap shegip, olardyń úsheýi aýyr jaǵdaıda ekendigi habarlanǵan bolatyn.
