«QazTransOıldyń» 2013 jylǵy dıvıdendiniń mólsheri 2012 jylǵydan kem bolmaıdy dep kútilýde
ASTANA. 11 qyrkúıek. QazAqparat - «QazTransOıl» AQ (QTO) 2013 jyly bir aktsııaǵa tóleıtin dıvıdendiniń mólsheri 2012 jyldaǵydan kem bolmaıdy.
Bul týraly Halyqtyq IPO baǵdarlamasynyń resmı saıty habarlady. «Biz kelesi jyly tólemderdiń (dıvıdendtterdiń) jalpy kólemi 2012 jyldyń nátıjesinen kem bolmaıdy dep kútip otyrmyz», - dedi kompanııa Bas dırektorynyń orynbasary Bolat Zákirov seısenbi, 10 qyrkúıekte, Astanada ótken medıa-semınar barysynda. QTO 2012 jylǵy qyzmetiniń qorytyndysy boıynsha dıvıdendter tóleýge kompanııanyń taza paıdasynyń 86 %-yn baǵyttaǵanyn eske sala keteıik. «Halyqtyq aktsıonerlerge» bir aktsııa úshin 75 teńge mólsherinde dıvıdend, shamamen 2,88 mlrd. teńge tólendi. «QazTransOıldyń» aǵymdaǵy jylǵy birinshi jartyjyldyqtaǵy taza paıdasy shamamen 33,4 mlrd teńge boldy. Bul 2012 jyldyń osyndaı kezeńindegi kórsetkishten 152%-ǵa kóp. B.Zákirovtiń sózinshe, mundaı oń qarqynǵa munaıda tasymaldaýǵa arnalǵan tarıftiń óskeni ári júk aınalymynyń ulǵaıǵany arqasynda qol jetkizilgen.
