QazTransOıldyń munaıdy eksportqa tasymaldaýǵa qatysty tarıfteri ósedi

ASTANA. KAZINFORM — Munaıdy senimdi tasymaldaýdy qamtamasyz etý úshin «QazTransOıl» AQ 2025 jylǵy 1 qańtardan bastap Qazaqstan Respýblıkasynan tys jerlerge eksporttaý maqsatynda magıstraldyq qubyrlar arqyly munaıdy tasymaldaý jónindegi qyzmetke tarıfti 1 150 teńgege 1000 km-ge 1 tonnaǵa 11 300 teńgege deıin (QQS-syz) arttyrady.

Budan basqa, kelesi jyldan bastap «QazTransOıl» AQ-nyń Qazaqstan Respýblıkasynan tys jerlerge eksporttaý maqsatynda magıstraldyq qubyrlar arqyly munaıdy tasymaldaý jónindegi qosymsha qyzmetterge tarıfteri ózgeredi.

«Atap aıtqanda, „Maqat“ munaı aıdaý stantsııasyndaǵy munaıdy „Keńqııaq — Atyraý“ munaı qubyryna aýystyryp tıeý jónindegi qyzmettiń tarıfi 1 tonnaǵa (QQS-syz) 152,73 teńgege ulǵaıyp, 2 436 teńgeni quraıdy.

«Keńqııaq» bas munaı aıdaý stantsııasynda munaıdy aýystyryp tıeý jónindegi qyzmetke tarıf 402,5 teńgege ulǵaıyp, 1 tonna úshin 740 teńgeni (QQS-syz) quraıdy», — dep jazdy vedomstvodan.

«Atasý» bas munaı aıdaý stantsııasyndaǵy munaıdy «Atasý — Alashankoý» munaı qubyryna aýystyryp tıeý jónindegi qyzmettiń tarıfi 93,87 teńgege ulǵaıyp, 1 tonna úshin 380 teńgeni (QQS-syz) quraıdy.