QazTransOıl jyl basynan beri 21 mln tonna munaı tasymaldady

ASTANA. QazAqparat - «QazTransOıl» AQ 2023 jyldyń birinshi jartyjyldyǵynyń óndiristik qorytyndysyn shyǵardy. Esepti kezeńde «QazTransOıl» AQ magıstraldyq munaı qubyrlary júıesi boıynsha 21 mln 353 myń tonna munaı tasymaldandy, bul 2022 jyldyń alǵashqy jarty jylyna qaraǵanda 1 mln 394 myń tonnaǵa kóp.

«QazTransOıl» AQ magıstraldyq munaı qubyrlary júıesi boıynsha Qazaqstan Respýblıkasynyń munaı óńdeý zaýyttaryna munaı tasymaldaý kólemi 2022 jyldyń sáıkes kezeńimen salystyrǵanda 214 myń tonnaǵa kemip, 8 mln 816 myń tonnany qurady.

Onyń ishinde «Atyraý munaı óńdeý zaýyty» JShS-na 2 mln 857 myń tonna munaı, «PetroQazaqstan Oıl Prodakts» JShS-na 2 mln 767 myń tonna munaı, «Pavlodar munaı - hımııa zaýyty» JShS-na 2 mln 776 myń tonna munaı, «CASPI BITUM» BK» JShS-na 415 myń tonna munaı jetkizildi.

«Ózen - Atyraý – Samara» magıstraldyq munaı qubyrynyń «Atyraý – Samara» ýchaskesi boıynsha munaı tasymaldaý kólemi 4 mln 945 myń tonnany qurady, bul 2022 jyldyń І jarty jyldyǵynyń kórsetkishinen 713 myń tonnaǵa kóp.

Qazaqstan Respýblıkasynyń aýmaǵynda ornalasqan «TON-2» munaı qubyry ýchaskesi boıynsha 5 mln 454 myń tonna munaı tasymaldandy, bul 2022 jyldyń sáıkes kezeńimen salystyrǵanda 42 myń tonnaǵa kóp.

«Atasý-Alashankoý» magıstraldyq munaı qubyryna 5 mln 509 myń tonna munaıdy aýystyryp tıeý júzege asyryldy. 2022 jyldyń І jartyjyldyǵymen salystyrǵanda kórsetkish 204 myń tonnaǵa kemidi.

«Kaspıı Qubyr Konsortsıýmy-Q» AQ júıesine munaıdy aýystyryp tıeý kólemi 1 mln 190 myń tonnany qurady, bul 2022 jyldyń uqsas kezeńimen salystyrǵanda 640 myń tonnaǵa artyq.

Aqtaý portyndaǵy tankerlerge «QazTransOıl» AQ qýattaryn paıdalana otyryp munaı quıý 1 mln 639 myń tonnany qurady, bul 2022 jyldyń І jartyjyldyǵymen salystyrǵanda 583 myń tonnaǵa artyq.

«QazTransOıl» AQ magıstraldyq munaı qubyrlary júıesi boıynsha munaıdyń júk aınalymy 16 mlrd 808 mln tonna-kılometrdi qurady, bul 2022 jylǵy І jartyjyldyqtyń kórsetkishinen 79 mln tonna-kılometrge kóp.

«QazTransOıl» AQ munaıynyń shoǵyrlandyrylǵan júk aınalymy 21 mlrd 535 mln tonna-kılometrdi qurady, bul 2022 jyldyń sáıkes kezeńimen salystyrǵanda 196 mln tonna-kılometrge kem.

«Qazaqstan-Qytaı Qubyry» JShS munaı qubyrlary júıesi boıynsha 9 mln 287 myń tonna munaı tasymaldandy, bul 2022 jyldyń І jartyjyldyǵyna qaraǵanda 440 mln myń tonnaǵa kem.

Munaıdyń júk aınalymy 8 mlrd 331 mln tonna-kılometrdi qurady, bul 2022 jylǵy I jartyjyldyqtyń nátıjesinen 595 mlrd mln tonna-kılometrge kem.

«MunaıTas» JShS munaı qubyry boıynsha munaı tasymaldaý kólemi 2 mln 731 myń tonnany qurady, bul 2022 jyldyń sáıkes kezeńimen salystyrǵanda 109 myń tonnaǵa artyq.

Munaıdyń júk aınalymy 44 mln tonna-kılometrge artyp, 1 mlrd 102 mln tonna-kılometrdi qurady.

«Batýmı munaı termınaly» JShQ kompanııalar toby boıynsha munaı, munaı ónimderi men gazdy aýystyryp tıeý kólemi 778 myń tonnany qurady, bul 2022 jyldyń І jartyjyldyǵyna qaraǵanda 275 myń tonnaǵa az.

Atyraý jáne Mańǵystaý oblystarynyń tutynýshylaryna «Astrahan-Mańǵyshlaq» magıstraldy sý qubyry boıynsha 14 mln 107 myń tekshe metr tuşy sý berildi.

2022 jyldyń І jartyjyldyǵyndaǵy kórsetkishpen salystyrǵanda sý jetkizý kóleminiń azaıýy 597 myń tekshe metrdi qurady.