«QazTransOıl» tabysy 2014 jyly 12%-ǵa ósýi yqtımal
ASTANA. 6 jeltoqsan. QazAqparat - «QazTransOıl» AQ (QTO) 2014 jylǵy taza tabysy munaı aıdaýǵa arnalǵan tarıf deńgeıiniń artýyna baılanysty 12%-ǵa ulǵaıýy múmkin. Mundaı boljamdy BCC Invest Saraptama basqarmasynyń basshysy Ádil Tabyldıev aıtty, dep habarlaıdy halyk-ipo.kz portaly.
Onyń paıymynsha, 2013 jylǵy dıvıdendtterdi tóleý koeffıtsıenti mınımaldy shekten aıtarlyqtaı, ıaǵnı 40%-ǵa asyp túsýi múmkin. «Bizdiń boljamymyzsha, bir aktsııaǵa arnalǵan tabys 185 teńge bolmaq. Olaı bolsa, 2013 jylǵy aktsııalarǵa arnalǵan dıvıdend mólsheri ár baǵaly qaǵaz úshin 75 pen 185 teńge aralyǵynda bolýy múmkin», - deıdi Á.Tabyldıev.
Onyń aıtýynsha, 2014 jyldyń 1 qańtarynan bastap QTO-nyń munaı aıdaýǵa arnalǵan tarıfi kóteriletini jaıly jańalyqty naryq áli baǵalamaǵan. Eske salaıyq, QTO kelesi jyly munaı aıdaýǵa arnalǵan tarıfti ulǵaıtady. Onyń ishinde eksporttiki - 1000 tonna-km-ge 4 850,6 teńge (QQS-syz), ishki naryqtiki - 1000 tonn-km-ge/2 931,8 teńge (QQS-syz) bolady.
Jańa tarıfterdi qarashanyń sońynda Tabıǵı monopolııalardy retteý agenttigi bekitti. Onyń aldyndaǵy tarıf 2012 jyldyń 1 jeltoqsanynda kóterilgen bolatyn.
