«KazTransOıl» Reseı munaıyn Qytaıǵa tasymaldap beretin bolady
ASTANA. 3 qańtar. QazAqparat - Ústimizdegi jyldyń 27 jeltoqsanynda «QazTransOıl» AQ Basqarma tóraǵasy Qaıyrgeldi Qabyldın jáne «NK «Rosneft» AAQ prezıdenti Igor Sechın munaı tasymaldaý boıynsha qyzmet kórsetý shartyna qol qoıdy, dep habarlaıdy «QazTransOıl» AQ baspasóz qyzmeti.
Bul qujat «Qazaqstan Respýblıkasy aýmaǵy arqyly munaı tasymaldaý aldyn ala shartymen jáne kepildiktermen» bekitilgen sol erejelerdi kózdeıdi. Atap aıtqanda, «QazTransOıl» AQ 2014 jyldyń qańtarynan bastap «NK «Rosneft» AAQ-qa Prıırtyshsk - Atasý - Alashańqaı baǵytymen QHR-ǵa qaraı jylyna 7 mln. tonna kóleminde munaı tasymaldaý qyzmetterin kórsetedi. Sharttyń qoldanylý merzimi - 5 jyl, qosymsha taǵy 5 jyl merzimge ózdiginen uzartylýy yqtımal. Shart boıynsha tólem Qazaqstan Respýblıkasynyń zańnamasymen belgilengen tarıfterge sáıkes júrgiziletin bolady.
