QazTransOıl men KEGOC aktsııalary taǵy da baǵaly qaǵazdar ótimdiligi reıtınginde kósh bastady

2015 jylǵy maýsym-shilde aılaryndaǵy boljam boıynsha atalǵan kompanııalar birinshi synypty aktsııalar ótimdiliginiń tizimin qaıta basqardy. Bul týraly Qazaqstannyń qor bırjasynyń (KASE) sarapshylary jarııalaǵan reıtıngke silteme jasap, «Halyq IPO» saıty habarlady. Qor bırjasynda basqa kompanııalardyń turaqtylyǵy tómen jáne birinshiden ekinshige jáne kerisinshe belsendi túrde aýytqyp otyrady. Soynmen, 1 maýsymnan bastap 31 shilde aralyǵyndaǵy reıtıng boıynsha: 1) «QazTransOıl» AQ jaı aktsııalary; 2 «KEGOC «Qazaqstannyń elektr jelilerin basqarý jónindegi kompanııasy» (Kazakhstan Electricity Grid Operating Company) AQ jaı aktsııalary; 3) «Qazaqstan Halyq jınaq banki» AQ jaı aktsııalary; 4) «QazMunaıGaz» Barlaý Óndirý» AQ artyqshylyqqa ıe aktsııalary; 5) «Ksell» AQ jaı aktsııalary; 6) KAZ Minerals PLC jaı aktsııalary; 7) «BAST» AQ jaı aktsııalary; 8) «Qazaqtelekom» AQ jaı aktsııalary; 9) «QazMunaıGaz» Barlaý Óndirý» AQ jaı aktsııalary; 10) «Qazkommertsbank» AQ jaı aktsııalary. Tizim KASE «Baǵaly qaǵazdar ótimdiliginiń kórsetkishterin aıqyndaý ádistemesine» sáıkes qalyptastyrylyp, Indeks jáne baǵaly qaǵazdardy baǵalaý komıtetiniń 2015 jylǵy 25 mamyrdaǵy sheshimimen bekitildi. 2015 jylǵy sáýir-mamyrda qalyptasqan aktsııalar tizimimen salystyrǵanda, ekinshi synypty ótimdilik reıtınginde de eleýli ózgerister oryn aldy. Sonymen, kompanııalardyń bul tizimi 30 paıyzǵa ulǵaıdy, atap aıtqanda, «Baıan sulý» kompanııasy jaı aktsııalarymen úshinshi synyp reıtınginen ekinshi eshelonǵa kóterildi. Eske salsaq, KASE ishki qujattaryna sáıkes birinshi sanatty aktsııalardyń saýda-sattyǵy qazaqstandyq qor bırjasynda jumys kúnderi saǵat 11:30-dan 17:00-ge deıin, ekinshi jáne úshinshi synypty ótimdilik aktsııalarynyń saýda-sattyǵy Almaty ýaqyty boıynsha saǵat 15:00-den 17:00-ge deıin ótkiziledi.