«QazTransOıl» kompanııasynyń 9 aıdaǵy tabysy 1 mlrd. AQSh dollaryna jetti
ASTANA. 3 qańtar. QazAqparat - «QazTransOıl» AQ 2013 jyldyń 9 aıyndaǵy óndiristik-sharýashylyq jáne qarjy-ekonomıkalyq qyzmetiniń qorytyndylary týraly habarlady.
Atalmysh uıymnyń baspasóz qyzmetiniń habarlaǵanyndaı, «QazTransOıl» AQ kompanııalar toby boıynsha shoǵyrlandyrylǵan munaı jáne munaı ónimderin tasymaldaý men aıdaýdyń kólemi 49 mln. 271 myń tonnany qurady, bul josparly mejeden 3% jáne 2012 jyldyń 9 aıyndaǵy nátıjeden 1% joǵary. Shoǵyrlandyrylǵan munaı aınalymy 34 mlrd. 107 mln. tonna-shaqyrymdy qurady, bul josparly mejeden 11% jáne 2012 jyldyń 9 aıyndaǵy uqsas kórsetkishinen 9% joǵary. Esep berý kezeńi boıynsha «QazTransOıl» AQ Qazaqstannyń Atyraý jáne Mańǵystaý oblystarynyń tutynýshylaryna Astrahan - Mańǵystaý sýaǵyzǵysy arqyly sý berý kólemi 17 mln. 840 myń tekshe metr boldy, bul josparly mejeden 14,5% jáne 2012 jyldyń 9 aıyndaǵy kórsetkishten 2,2% joǵary. Esep berý kezeńi boıynsha negizgi qyzmetten túsken tabys 141 mlrd. 482 mln. teńgeni qurady, bul josparly mejeden 12% jáne 2012 jylǵy osyndaı kezeń kórsetkishinen 37% joǵary. Bul oraıda taza paıda 52 mlrd. 339 mln. teńgeni qurady, bul josparly mejeden 42% joǵary kórsetkish, 2012 jyldyń 9 aıynyń qorytyndylarynan 128%-ǵa joǵary. «QazTransOıl» AQ esep saıasatyna sáıkes 2013 jyldyń 31 shildedegi kúıine saı «QazTransOıl» AQ kompanııalar tobynyń negizgi qural-jabdyqtaryn qaıta baǵalaýy ótkizildi. Qaıta baǵalaýdyń aldyn ala qorytyndylary boıynsha «QazTransOıl» AQ toby aktıvteriniń teńgerimdik qundylyǵy 407 mlrd. 978 mln. teńgeni qurady, bul 2012 jyldyń 31 jeltoqsannyń naqty kórsetkishinen 12% joǵary.
