QazTransOıl Qashaǵannan 1 mln tonnaǵa deıin munaı tasymaldamaq

ASTANA. QazAqparat - Aǵymdaǵy jyly «QazTransOıl» AQ Qashaǵannan bir mıllıon tonnaǵa deıin munaı tasymaldaýdy josparlaýda, dep habarlaıdy «QazAqparat» HAA tilshisi.

«2016 jyldyń qorytyndysy boıynsha kompanııa Qashaǵannan ken ornynda óndirilgen 117 myń tonna munaı tasymaldaýdy júzege asyrdy, bul kórsetkishti 2017 jyly 1 mıllıon tonnaǵa deıin jetkizý josparlaýda», - dedi QTO-nyń bas dırektory Dımash Dosanov baspasóz máslıhatynda.

Ol kompanııanyń tehnıkalyq múmkindigi qara altyndy tasymaldaý kólemin jylyna 2-3 mıllıon tonnaǵa deıin arttyrýǵa jetetinin atap aıtty. Alaıda bul sheshim Qashaǵandaǵy óndiris kólemimen tikeleı baılanysty.

Eske sala ketsek, ótken jyly qaıta jumys isteı bastaǵan Qashaǵanda munaı óndirý deńgeıi táýligine shamamen 200 myń barrelge jetti. Bul kórsetkishti táýligine 80 myń barrelge ulǵaıtý josparlanǵan. Óndirý bastalǵaly 3 mln tonna kómirsýtek shıkizaty shyǵaryldy.