«QazTransOıl» GDR-di shyǵarý múmkindigin qarastyrýda
ASTANA. 17 mamyr. QazAqparat - «Halyqtyq IPO» baǵdarlamasynyń debıýtanty «QazTransOıl» AQ (QTO) óz aktsııalaryna GDR-di (jahandyq depozıtarıılik qolhattardy) shyǵarý týraly sheteldik ınvestorlarmen aldyn ala kelissózder júrgizýde.
Bul týraly QTO-nyń ınvestorlarmen baılanys jónindegi qyzmetiniń jetekshisi Almaz Masalın beısenbi, 16 mamyr kúni Almatyda ótken halyqaralyq PR-forým aıasyndaǵy «Halyqtyq IPO» boıynsha sektsııada aıtty, dep habarlaıdy Halyqtyq IPO-nyń resmı saıty.
«Biz, sóz joq, QTO aktsııalary KASE-te satyp alynǵanyn qalaımyz. Alaıda, birqatar sheteldik ınvestıtsııalyq qorlar men bankter QTO aktsııalaryna GDR-di shyǵarý týraly bastama kóterýde. Bul sheteldik kompanııalarǵa kompanııanyń baǵaly qaǵazdaryn satyp alýǵa múmkindik beredi», - dedi A.Masalın.
Al «QazTransOıl» kompanııasynyń ózine GDR-di shyǵarý ınvestorlar bazasyn keńeıtýge, sheteldik naryqtarǵa qoljetimdilikti ońaılatýǵa, aktsııalarynyń ótimdiligin arttyrýǵa múmkindik beredi. Onyń baǵaly qaǵazdary KASE tizimine 2012 jyldyń 5 qarashasynda engizilgen bolatyn. Olar boıynsha saýda 25 jeltoqsanda bastaldy. Al aǵymdaǵy jyldyń 1 aqpanynan bastap QTO aktsııalary KASE ındeksiniń ókiletti tiziminde tur.
