«QazTransOıl» dıvıdendteri kem degende kompanııanyń 40 paıyz taza paıdasyn quraıtyn bolady - Q. Qabyldın
ASTANA. 6 qarasha. QazAqparat - "QazTransOıl" dıvıdendteriniń kólemi kem degende kompanııanyń 40% taza paıdasyn quraıtyn bolady.
Bul týraly keshe Astanada ótken baspasóz máslıhatynda kompanııanyń bas dırektory Qaıyrgeldi Qabyldın málim etti.
"Biz dıvıdendtik saıasatty ózgerttik. Endi kompanııanyń kem degende 40%-y dıvıdendterdi óteýge baǵyttalady",-deıdi Q.Qabyldın. "Bul kórsetkish qazirgi ýaqytta Qazaqstan qor bırjasynda ornalastyrylǵan kompanııalardyń arasynda eń joǵary bolyp otyr",- deıdi ol.
Buryn habarlanǵandaı, «QazTransOıl» AQ «Halyqtyq IPO» baǵdarlamasy aıasynda 40 mln dana kóleminde qarapaıym aktsııalardyń qosymsha emıssııasyn júzege asyrýdy josparlap otyr. Bul kompanııa aktsııalarynyń jalpy sananyń 10% quraıdy. Aktsııalarǵa jazylý 6 qarashadan 5 jeltoqsanǵa deıin jalǵasatyn bolady.
Q.Qabyldınniń aıtýynsha, ınvestorlar ishinen basymdyq jeke salymshylarǵa beriledi, ıaǵnı QR azamattaryna, sodan soń zeınetaqy jınaqtaýshy qorlardyń ótinishteri qanaǵattandyrylady. Sonymen qatar, bir adam 7 000 000 teńgeden aspaıtyn somaǵa KTO aktsııasyn satyp alatyndaı shekteý qoıylǵan.
QTO bir qarapaıym aktsııasynyń quny 725 teńgeni quraıdy. Ol UBS jáne «Kazkommerts Sekıýrıtız» AQ keńesshiliriniń keńesteri negizinde quralǵan.
