«QazTransoıl» birinshi jartyjyldyqta 33 mlrd. 757 mln. teńge taza paıda tapty
ASTANA. 15 shilde. QazAqparat - «QazTransOıl» AQ-nyń 2013 jyldyń birinshi jarty jyldyǵy boıynsha munaı jáne munaı ónimderin tasymaldaý jáne aıdaý kólemi 26 mln. 198 myń tonnany qurady.
Bul birinshi jarty jyldyqqa belgilengen josparǵa 2 paıyzǵa joǵary jáne 2012 jyldyń birinshi jarty jyldyǵyndaǵy uqsas kórsetkishke qaraǵanda 1 paıyzǵa tómen. Bul týraly kompanııanyń baspasóz qyzmetinen habarlandy.
Sonymen qosa shoǵyrlandyrylǵan munaı jáne munaı ónimderin tasymaldaý men aıdaý kólemi 32 mln. 681 myń tonnany qurady. Atalǵan kórsetkish josparly mejeden 3 paıyz jáne 2012 jyldyń birinshi jarty jyldyǵyndaǵy uqsas nátıjesinen 2 paıyzǵa joǵary.
Esepti kezeńde «QazTransOıl» AQ-nyń Qazaqstannyń Atyraý jáne Mańǵystaý oblystarynyń tutynýshylaryna Astrahan - Mańǵystaý sý qubyry arqyly sý berý kólemi 11 mln. 237 myń tekshe metr boldy. Kórsetkish jospardan 9 paıyzǵa, al byltyrǵa qaraǵanda 2 paıyzǵa joǵary.
Jalpy kompanııanyń 2013 jyldyń birinshi jarty jyldyqtaǵy negizgi qyzmetten túsken shoǵyrlandyrylǵan kiris kólemi 82 mlrd. 375 mln. teńgeni qurady. Bul 2012 jyldyń birinshi jarty jyldyǵyndaǵy kórsetkishinen 44 paıyzǵa artyq. Sonymen qatar, 2013 jyldyń birinshi jartyjyldyq qorytyndysy boıynsha «QazTransOıl» AQ-nyń shoǵyrlandyrylǵan taza paıdasy 33 mlrd. 757 mln. teńgeni qurady. Byltyrǵy jyldyń dál osy kezeńine qaraǵanda, atalmysh kórsetkish 155 paıyzǵa joǵary.
