«QazTransOıl» basshysy munaı tasymaly tarıfiniń kóterilý sebebin túsindirdi
ASTANA. QazAqparat - Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «QazTransOıl» AQ-nyń basqarma tóraǵasy Qaıyrgeldi Qabyldın munaı tasymaly tarıfiniń kóterilý sebebin túsindirdi.
«2012 jyly biz ishki naryq jáne eksport tarıfterin kóterdik. Munyń eki sebebi bar. Birinshisi, búginde ishki naryq tarıfi eksporttyq tarıf esebinen sýbsıdııalanady. Buǵan deıin atap ótkenimdeı, búginde eksport tarıfi 1 shaqyrymǵa 1 tonnasyna 5817 teńgeni, al ishki naryqta shamamen 2900 teńgeni quraıdy. 2002-2012 jyldar ishinde ishki naryq tarıfi ózgergen joq jáne ol bizderdiń ІRO-ǵa shyǵar sátimizde óz qunynan tómen boldy», - dedi ol.
Kompanııa basshysynyń atap ótýinshe, sol sebepti tasymal baǵasy ekonomıkalyq josparlaý zańyna sáıkes kóterilip, ózindik qunymen teńestirilgen. Qazirgi tańda eksport tarıfi tasymaldanatyn munaı qunynyń 4,5-5 paıyzyn qurap otyr. Jalpy, munaı ekonomıkasy zańyna sáıkes, tasymal shyǵystary munaı baǵasynan 8 paıyzdan aspaýy tıis.
«Osylaısha, bizdiń tarıf básekege qabiletti. Іshki naryqtaǵy tarıf munaı ónimderi baǵasynyń 1,7 paıyzyn quraıdy», - dedi Q.Qabyldın.
