«QazTransOıl» aktsıonerleriniń otyrysynda dıvıdend kólemi anyqtalmaq
ASTANA. 27 mamyr. QazAqparat - Erteń, 28 mamyrda Astanada «QazTransOıl» AQ aktsıonerleriniń jyldyq jalpy otyrysy ótedi,
dep habarlaıdy «Halyqtyq IPO» baǵdarlamasynyń resmı saıty.
Bul otyrysta 2012 jyldyń dıvıdend somasy anyqtalatyn bolady. Bunyń aldynda «QazTransOıl» kompanııasynyń dırektorlar keńesi bir aktsııa úshin 75 teńge kóleminde dıvıdend tóleý jóninde usynys jasaǵan bolatyn. «QazTransOıl» kompanııasy «Halyqtyq IPO» baǵdarlamasynyń debıýtanty, onyń aktsııalary 2012 jyly satylǵan edi. Shamamen 34 myń qazaqstandyq atalǵan kompanııanyń aktsıoneri atandy.
