"QazTransOıl" AQ-nyń 38 463 559 qarapaıym aktsııalaryn satyp alý týraly Qanaǵattandyrylǵan ótinishter tizilimi "Qazaqstan Qor bırjasy" AQ-na tapsyryldy

Osyǵan deıin habarlanǵandaı, 13 jeltoqsanda "Qazaqstan Qor bırjasy" AQ Qabyldanǵan ótinishter tizilimin "QazTransOıl" AQ-na usynǵan bolatyn. Aktsııalarǵa jazylý sharttaryna sáıkes Qabyldanǵan ótinishter tizilimine tek qana Qazaqstan Respýblıkasy azamattarynyń, Qazaqstan Respýblıkasynyń zańnamasyna sáıkes qurylǵan jınaqtaýshy zeınetaqy qorlarynyń (JZQ), sondaı-aq market-meıkerlerdiń ótinishteri engizildi.

 Qabyldanǵan ótinishter tizilimine sáıkes jalpy somasy 59 408 943 975 teńgeni quraıtyn barlyǵy 34 687 ótinish tústi, onyń ishinde 34 676 ótinish QR azamattarynyń, 10 ótinish JZQ-nyń, 1 ótinish market-meıkerdiń atynan kelip túsken. Qosymsha taldaýdyń nátıjesinde Qanaǵattandyrylǵan ótinishterdiń tizilimin qalyptastyrý kezinde jınaqtalǵan qaıtalanatyn ótinishterdiń (bir ınvestordyń atynan túsken ótinishter) túskeni, sondaı-aq, 67 azamat 7 mln. teńgeden astam somaǵa jekelegen jáne jınaqtalǵan ótinishterdi bergeni anyqtaldy.

 Qazaqstan Respýblıkasy Úkimetiniń 2012 jyldyń 31 qazanyndaǵy №1376 qaýlysynda bekitilgen Qarapaıym aktsııalardy ornalastyrý qurylymyna sáıkes úlestirý ótkizýdiń nátıjesinde kelesi ótinishter qanaǵattandyryldy:

market-meıkerdiń 1 ótinishi (ornalastyrylǵan aktsııalardyń 0,6%-n quraıdy);

Qazaqstan Respýblıkasy azamattarynyń 34 676 ótinishi (ornalastyrylǵan aktsııalardyń 79,1%-n quraıdy);

JZQ-nyń 10 ótinishi (ornalastyrylǵan aktsııalardyń 20,4%-n quraıdy).

 Osylaısha kelesi nátıjelerge qol jetkizilip otyr:

market-meıkerdiń ótinishi tolyǵymen qanaǵattandyryldy;

jeke tulǵalardyń 7 mln. teńge kólemindegi jekelegen jáne jınaqtalǵan ótinishteri tolyǵymen qanaǵattandyryldy. Azamattardyń somasy 7 mln. teńgeden asatyn ótinishteri qanaǵattandyrylmaı qaldy. Jeke tulǵalardyń qanaǵattandyrylmaı qalǵan jekelegen jáne jınaqtalǵan ótinisheriniń jalpy somasy 71 635075 teńgeni qurap otyr;

JZQ-nyń ótinishteri málimdelgen suranystyń 15,3% mólsherinde berilgen ótinishterine sáıkes qanaǵattandyryldy.

 2012 jyldyń 24 jeltoqsanynda esep aıyrysý aıaqtalǵannan keıin, market-meıkerler, jeke ınvestorlar men JZQ-nyń brokerlik shottarynan tıisti somany shyǵaryp tastaý arqyly satyp alynǵan aktsııalar shotqa aýdarylatyn bolady. Qazaqstan Respýblıkasynyń 33 989 azamaty jáne Qazaqstan Respýblıkasynda tirkelgen 11 zańdy tulǵa (10 JZQ jáne 1 market-meıker) "QazTransOıl" AQ aktsıonerleri atanady dep kútilýde.

 2012 jyldyń 25 jeltoqsanynda "QazTransOıl" AQ aktsııalarynyń Qazaqstan Qor bırjasynda saýdalanýy bastalady.

 "Halyqtyq IPO" baǵdarlamasy sheńberinde "QazTransOıl" AQ aktsııalar qorjynyn uıymdastyrylǵan baǵaly qaǵazdar naryǵyna shyǵarý kezinde kompanııanyń keńesshileri retinde kelesi kompanııalar qatysty: UBS AG halyqaralyq ınvestıtsııalyq banki, «Qazkommerts Sekıýrıtız» AQ ("Qazkommertsbank" AQ enshiles uıymy) jáne «Praısýoterhaýs Kýpers Taks end Edvaızorı» JShS - qarjylyq konsaltıng máseleleri boıynsha; «CURTIS MALLET-PREVOST (Kazakhstan)» (KÝRTIS MALLET-PREVOST (Qazaqstan)  JShS jáne «White&Case Kazakhstan» JShS zańgerlik kompanııalary - quqyqtyq súıemeldeý máseleleri boıynsha; "Promo Group Communications" JShS konsaltıng agenttigi - aqparattyq jáne PR súıemeldeý máseleleri boıynsha. "QazTransOıl" AQ aýdıtory «Ernst end ıAng» JShS bolyp tabylady, dep habarlaıdy «QazTransOıl» AQ-nyń baspasóz qyzmeti.