«QazTransOıl» AQ munaı tasymaldaý kólemin 4 paıyzǵa arttyrdy
ASTANA. 22 qazan. QazAqparat - «QazTransOıl» AQ magıstraldy munaı qubyrlary júıesimen 2011 jylǵy qańtar-qyrkúıekte munaı tasymaldaý kólemi is júzindegi derekter boıynsha 40 mln. 570 myń tonna boldy.
2010 jyldyń osy kezeńimen salystyrǵanda munaı tasymaldaý kólemi 1 mln. 547 myń tonnaǵa nemese 4 paıyzǵa artty, dep habarlady kompanııanyń baspasóz qyzmetinen.
«QazTransOıl» AQ MQ júıesi boıynsha júk aınalymy 2011 jylǵy toǵyz aıda 26 mlrd. 089 mln. tonna shaqyrym boldy. Byltyrǵy jylǵy osy kezeńimen salystyrǵanda bul kórsetkish 522 mln. tonna shaqyrymǵa nemese 2 paıyzǵa artty.
Bıylǵy ótken toǵyz aıdyń qorytyndylary boıynsha «Ózen - Atyraý - Samara» magıstraldy munaı qubyrynyń «Atyraý - Samara» ýchaskesimen munaı aıdaý kólemi artyp, 11 mln. 549 myń tonna boldy. 2010 jyldyń osyndaı kezeńimen salystyrǵanda munaı tasymaldaý kólemi 283 myń tonna nemese 3 paıyzǵa artyq. Kómirsýtek shıkizatyn tasymaldaý kóleminiń ósimi QHR baǵytynda da saqtalyp otyr - bıylǵy jylǵy qańtar-qyrkúıekte «Atasý - Alashańqaı» munaı qubyryna munaıdy aýystyryp quıý kólemi 8 mln. 658 myń tonna munaı deńgeıine jetti, 2010 jyldyń osy kezeńimen salystyrǵanda 1 mln. 108 myń tonna nemese 15 paıyzǵa artty.
Qazaqstan Respýblıkasy aýmaǵynda ornalasqan «TON-2» munaı qubyry bóligimen Reseı munaıynyń tranzıti 2011 jylǵy esepti kezeńniń qorytyndylyry boıynsha 4 mln. 375 myń tonnany qurady, kóbeıý 274 myń tonna nemese 7 paıyz boldy.
«QazTransOıl» AQ magıstraldy munaı qubyrlary júıesimen Qazaqstan Respýblıkasynyń munaı óńdeýshi zaýyttaryna munaı tasymaldaý kólemi 9 mln. 636 myń tonnany qurady.
