«QazTransOıl» AQ magıstraldyq munaı qubyrynyń ulttyq operatory bolyp belgilendi

Qazaqstan Respýblıkasy Úkimetiniń qaýlysy №1273

2012 jylǵy 8 qazan, Astana, Úkimet Úıi

Magıstraldyq munaı qubyry boıynsha ulttyq operator týraly

«Magıstraldyq qubyr týraly» Qazaqstan Respýblıkasynyń 2012 jylǵy 22 maýsymdaǵy Zańynyń 5-babynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi:
1. «QazTransOıl» aktsıonerlik qoǵamy magıstraldyq munaı qubyrynyń ulttyq operatory bolyp belgilensin.
2. Qosa berilip otyrǵan Magıstraldyq munaı qubyry boıynsha ulttyq operator týraly ereje bekitilsin.
3. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri      S.AHMETOV.

Qazaqstan Respýblıkasy Úkimetiniń 2012 jylǵy 8 qazandaǵy №1273 qaýlysymen bekitilgen

Magıstraldyq munaı qubyry boıynsha ulttyq operator týraly ereje
1. Jalpy erejeler
1. Osy Ereje «Magıstraldyq qubyr týraly» Qazaqstan Respýblıkasynyń 2012 jylǵy 22 maýsymdaǵy Zańyna sáıkes ázirlendi jáne magıstraldyq munaı qubyry boıynsha ulttyq operatordyń (budan ári - ulttyq operator) ókilettigin, negizgi mindetteri men qyzmetin aıqyndaıdy.
2. Ulttyq operator óz qyzmetinde Qazaqstan Respýblıkasynyń Konstıtýtsııasyn, «Magıstraldyq qubyr týraly» Qazaqstan Respýblıkasynyń 2012 jylǵy 22 maýsymdaǵy Zańyn jáne Qazaqstan Respýblıkasynyń basqa da normatıvtik quqyqtyq aktilerin, Qazaqstan Respýblıkasy bekitken halyqaralyq sharttardy, sondaı-aq osy Erejeni basshylyqqa alady.

2. Ulttyq operatordyń mindetteri men fýnktsııalary
3. Ulttyq operatordyń qyzmeti Qazaqstan Respýblıkasynda magıstraldyq munaı kubyrlary júıe­sin damytýǵa jáne olardy tıimdi, senimdi ári qaýipsiz paıdalanýdy qamtamasyz etýge baǵyttalǵan.
4. Ulttyq operatordyń negizgi mindetteri mynalar:
1) ónimdi magıstraldyq munaı kubyrlarymen ishki jáne syrtqy naryqqa tasymaldaý kezinde Qazaqstan Respýblıkasynyń jáne qatynastyń basqa da qatysýshylarynyń múddelerin qamtamasyz etý;
2) magıstraldyq munaı qubyrlary júıesin ınnovatsııalyq damytýdy jáne ony álemdik energetıka júıesine yqpaldastyrýdy qamtamasyz etý;
3) munaı-gaz sektoryn magıstraldyq munaı qubyrlarymen munaı tasymaldaý bóliginde damytýdyń memlekettik jáne ulttyq baǵdarlamalaryn ázirleýge qatysý;
4) Qazaqstan Respýblıkasynyń magıstraldyq qubyr týraly zańnamasyn jetildirýge baǵyttalǵan normatıvtik quqyqtyq aktiler jobalary boıynsha usynystardy óńdeý jáne ýákiletti organnyń qaraýyna engizý;
5) magıstraldyq munaı qubyrlary salasyndaǵy normatıvtik jáne normatıvtik-tehnıkalyq qujattamalar jobalaryn ázirleýge qatysý;
6) magıstraldyq qubyrlarmen munaı tasymaldaý salasyndaǵy halyqaralyq sharttardy ázirleýge jáne iske asyrýǵa qatysý;
7) munaı tasymaldaý marshrýttarynyń energetıkalyq qaýipsizdigin nyǵaıtýǵa jáne ártaraptan­dyrýǵa baǵyttalǵan halyqaralyq jobalardy iske asyrý jumystaryna qatysý bolyp tabylady.
5. Ulttyq operator:
1) daýys beretin aktsııalarynyń (qatysý úlesteriniń) elý jáne odan da kóp paıyzy memleketke, ulttyq basqarýshy holdıngke nemese ulttyq kompanııaǵa tikeleı nemese janama túrde tıesili menshik ıesiniń magıstraldyq qubyry arqyly Qazaqstan Respýblıkasynyń aýmaǵynda operatorlyq qyzmetterdi kórsetý quqyǵyna ıe;
2) ulttyq operatorǵa menshik quqyǵynda nemese ózge de zańdy negizde tıesili magıstraldyq qubyr arqyly Qazaqstan Respýblıkasynyń aýmaǵynan tasymaldanatyn munaıdy basqa memleketterdiń kubyr júıeleri arqyly tasymaldaýdy uıymdastyrý jónindegi qyzmetterdi kórsetý (biryńǵaı marshrýttaý boıynsha operatorlyq qyzmet) quqyǵyna ıe.
6. Ulttyq operatorǵa menshik quqyǵynda nemese ózge de zańdy negizde tıesili magıstraldyq qubyr arqyly Qazaqstan Respýblıkasynyń aýmaǵynan tasymaldanatyn munaıdy basqa memleketterdiń qubyr júıeleri arqyly tasymaldaýdy uıymdastyrý jónindegi qyzmetterdi kórsetý (biryńǵaı marshrýttaý boıynsha operatorlyq qyzmet) quqyǵyn júzege asyrý aıasynda Ulttyq operator mynadaı qyzmetterdi júzege asyrady:
1) ónim jóneltýshilermen basqa memleketterdiń qubyr júıelerimen munaı tasymaldaýdy uıymdastyrýǵa arnalǵan sharttar jasaıdy;
2) basqa memleketterdiń kubyr júıelerimen munaı tasymaldaýdy uıymdastyrý úshin jasalǵan sharttar negizinde uıymdarmen, onyń ishinde munaı tasymaldaý, munaıdy teńiz termınaldary arqyly aýystyryp quıý, munaıdy teńiz termınaldary arqyly aýystyryp quıý kezinde kólik-ekspedıtsııa (ekspedıtsııalyq) qyzmetin kórsetýshi basqa memleketter uıymdarymen belgilengen tártipte tıisti sharttar men ulttyq operatorǵa menshik quqyǵynda nemese basqa zańdyq negizinde jatatyn magıstraldyq munaı qubyry boıynsha Qazaqstan Respýblıkasy aýmaǵynan tasymaldanatyn munaıdy basqa memleketterdiń qubyry boıynsha tasymaldaýdy qamtamasyz etýge qajetti sharttardy jasaıdy.

3. Qyzmetin uıymdastyrý

7. Ulttyq operator óz qyzmetin osy Erejege jáne Jarǵyǵa sáıkes uıymdastyrady.
8. Ulttyq operatordy qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady.