«QazTransOıl» AQ Qaraǵandy oblysyndaǵy úsh nysanyn paıdalanýǵa berdi

ASTANA. QazAqparat - Qazaqstan Respýblıkasynyń Birinshi Prezıdenti kúnin toılaý qarsańynda «QazTransOıl» AQ úsh iri obektisin salý men qaıta qurý jumystarynyń aıaqtalýy jóninde habarlap otyr. Nysandardy atap aıtqanda, Qumkól-Qaraqoıyn munaı qubyryn, B. Jumaǵalıev atyndaǵy BMAS-ta súıeý sorǵy stansasyn salý jáne Barseńgir stansadaǵy elektrmen qamtamasyz etý júeısin qaıta qurý. Berilgen óndiristik nysandar QHR tutynýshylaryna qazaqstandyq munaı eksportyn ulǵaıtý men kómirsýtek shıkizattyń ishki naryqtaǵy tutynýdyń josparly ósimine baǵyttalǵan Qazaqstan-Qytaı jobasyn júzege asyrýdyń quramdas bóligi bolyp tabylady. Qazirgi tańda bar nysandar paıdalanýǵa berilgen.

Qaraǵandy oblysynyń aýmaǵy boıymen ótetin 0 km - B. Jumaǵalıev atyndaǵy BMAS ýchaskedegi jalpy uzyndyǵy 198,9 km. Qumkól-Qaraqoıyn munaı qubyrynyń úshinshi jelisin salý Qazaqstan-Qytaı munaı qubyrlary júıesin ulǵaıtý jobasyn júzege asyrýǵa negizdelgen. Atap aıtqanda, berilgen munaı qubyrynyń qosymsha jelisin salý eksporttyq qýattylyǵyn arttyrý men qazaqstandyq munaıdy Qazaqstannyń energetıkalyq qaýipsizdigin qamtamasyz etý aıasynda ishki naryqqa jekizýdiń, PMÓZ qosa, tehnıkalyq jaǵdaılaryn jasaý úshin kerek bolyp tur. Munaı qubyryn salý kezeń-kezeńmen, eki ýchaskemen ótti. Jobanyń birinshi kezeńi - Qumkól - Qaraqoıyn munaı qubyrynyń úshinshi jelisin salý (26 km - D. Jumaǵalıev atyndaǵy MBAS) - 2012 jyldyń tamyz aıynda bastaldy. Nysandy paıdalanýǵa berilgendigi jónindegi memlekettik qabyldaý alqasynyń aktisine 2013 jyldyń 30 mamyrynda qol qoıylǵan bolatyn. 2013 jyldyń qyrkúıeginde ekinshi ýchaskeniń salynýyn bastady (26 km - D. Jumaǵalıev atyndaǵy MBAS). Ekinshi ýchaskesin paıdalanýǵa berilgeni jónindegi memlekettik qabyldaý komıssııasynyń aktisine qol 2014 jyldyń 30 qyrkúıeginde qoıylǵan bolatyn. Qurylys jumystarynyń merdigeri TOO «Elektro-HSBM» bolyp tabylady. Qurylystyń jalpy quny 23 mlrd teńgeni qurady.

B. Jumaǵalıev atyndaǵy MBAS-ta zamanaýı súıeý sorǵy stansasyn salý 2013 jyldyń shildesinde bastalǵan bolatyn. Burynǵy súıeý vertıkaldyq nasostary 20 jyldan beri paıdalanýdan ábden eskirip, senimdilik pen joǵary tıimdilik qaǵıdalaryna sáıkes kelmedi. Jańadan salynǵan qondyrǵyda munaıdyń jóneltýin Shymkent munaı óńdeý zaýyty, Atasý MBAS jáne odan ári QHR-ǵa qamtamasyz etetin zamanaýı gorızontaldyq sorǵylar ornatylǵan bolatyn. Burynǵy agregattardan olar jaqsartylǵan gıdravlıkalyq sıpattarmen, energııa men jóndeý-paıdalaný shyǵystaryn únemdeıtin odan da senimdi qurylǵymen erekshelenip keledi. Nysandy paıdalanýǵa tapsyrylǵany jónindegi memlekettik qabyldaý komıssııasynyń aktisine 2014 jyldyń 30 qyrkúıeginde qol qoıyldy. Qurylys quny - 1,1 mlrd teńge.

Jezqazǵan oblysynda ornalasqan Pavlodar-Shymkent munaı qubyrynda ornalasqan Barseńgir MAS-taǵy energııany únemdeý júıesin qaıta qurý 2013 jyldyń qazan aıynda bastalǵan bolatyn. Qumkól-Qaraqoıyn-Atasý-Alashańqaı munaı qubyry boıynsha munaı kólemderin josparlanǵan ulǵaıýyna baılanysty júrgizilgen bolatyn. Іske asyrylǵan jumystardyń nátıjesinde munaı aıdaý stansasynyń tozǵan elektr jabdyǵy óndiristik nysandardyń energııa nátıjeliligi men únemdeýshiligi qaǵıdalaryn saı keletin jańadan jabdyqqa aýystyrylǵan edi. Jobanyń baǵasy - 725 mln teńge. Nysandy paıdalanýǵa tapsyrylǵany jónindegi memlekettik qabyldaý komıssııasynyń aktisine 2014 jyldyń 31 qazanynda qol qoıyldy.