«QazTransOıl» AQ aktsııalarynyń dıvıdenttik tabystylyǵy 10,3 paıyzdy qurady
ASTANA. 31 mamyr. QazAqparat - 2013 jyldyń mamyryndaǵy málimetter boıynsha "Halyqtyq IPO" baǵdarlamasy aıasynda «QazTransoıl» (QTO) aktsııalarynyń dıvıdenttik kiristiligi 10,3 paıyzdy qurady.
QR Premer-Mınıstri resmı saıtynyń habarlaýynsha, bul týraly atalǵan ulttyq kompanııa bas dırektorynyń orynbasary Bolat Zakırov qundy qaǵazdardyń qaıtalama naryǵyndaǵy QTO aktsııalarynyń aınalymy men ózekti máselelerine jáne "Halyqtyq IPO" baǵdarlamasy perspektıvalaryna arnalǵan dóńgelek ústel barysynda málim etken.
"2013 jyldyń mamyrynda aktsııalardyń ortasha baǵasy 842 teńgeni qurady, bul ornalastyrý baǵasynan 16,2 %-ǵa artyq. Aktsııalardy 825 teńgege satyp alǵandar úshin ornalastyrý baǵasyna dıvıdenttik tabystylyq 10,3 %-dy qurady", - dedi B. Zakırov.
Sonymen qatar, salystyrý úshin 2012 jyly bank depozıtteri boıynsha ortasha tabystylyq Ulttyq bank málimetterine sáıkes 8,28 %-dy qurady.
