«QazTransOıl» 66 mln. 873 myń tonna munaı men munaı ónimderin tasymaldady
ALMATY. 6 sáýir. QazAqparat - «QazTransOıl» AQ 2011 jyly 66 mln. 873 myń tonna munaı men munaı ónimderin tasymaldap, óz kórsetkishin 2 paıyzǵa ulǵaıtty.
Ol 2010 jyly 65 mln. 825 myń tonnany quraǵan bolatyn. Kompanııanyń baspasóz qyzmetiniń habarlaýynsha, taýar aınalymynyń shoǵyrlandyrylǵan kólemi esepti kezeńde 42 mlrd. 243 mln. tonna shaqyrymdy qurady. Bul jospardan 4 paıyzǵa, al 2010 jylǵy deńgeıden 2 paıyzǵa joǵary.
Kompanııanyń negizgi qyzmetinen tapqan tabysy byltyr 140 mlrd. 478 mln. teńge boldy. Bul jospardan - 6, al 2010 jylǵy kórsetkishten 2 paıyzǵa joǵary. 2011 jyly jalpy jáne ákimshilik shyǵyndar 6 mlrd. 730 mln teńgeni qurap, aldyńǵy jylǵy deńgeıden 95 paıyzǵa azaıdy. Al taza kiris 32 paıyzǵa ulǵaıyp, 25 mlrd. 975 mln teńge kóleminde boldy.
Kompanııanyń Bas dırektory Qaıyrgeldi Qabyldınniń aıtýynsha, olar ótken jylǵy qyzmetiniń qorytyndysyna qanaǵattanyp otyr. Qazir endi halyqtyq ІRO baǵdarlamasy boıynsha belsendi jumys júrgizýde. Olar belgilengen merzimde óz aktsııasyn usynatyna senimdi.
