QazTransOıl 1 mamyrdan bastap munaı tasymalynyń baǵasyn ósiredi

ASTANA. QazAqparat - 1 mamyrdan bastap «QazTransOıl» AQ munaıdy Qazaqstan aýmaǵy arqyly ótkizýge jáne eksporttaýǵa arnalǵan qyzmetine tarıfterin kóteredi, dep habarlaıdy QazAqparat.

«QazTransOıl» AQ bas dırektorynyń 31 naýryzdaǵy № 30 jáne № 31 buıryqtarymen Qazaqstannan tys jerlerge eksporttaý jáne Qazaqstan aýmaǵy arqyly tranzıtteý maqsatynda «QazTransOıl» AQ qyzmetterine mynadaı tarıfter bekitilgen:

- T. Qasymov atyndaǵy munaı aıdaý stantsııasyndaǵy temirjol tsısternalaryna munaı quıý - 1 tonna úshin 1 213,20 teńge mólsherinde (QQS-syz) (buryn 1 tonnaǵa (QQS-syz) 409,57 teńge tarıf bolǵan);

- T. Qasymov atyndaǵy munaı aıdaý stantsııasynda munaıdy jylytýsyz Kaspıı qubyr konsortsıýmy júıesine aýystyryp tıeý - 1 tonna úshin 263,49 teńge mólsherinde (QQS-syz) (buryn 1 tonnaǵa (QQS-syz) 122,91 teńge tarıf bolǵan);

- T. Qasymov atyndaǵy munaı aıdaý stantsııasynda munaıdy jylytyp, Kaspıı qubyr konsortsıýmy júıesine aýystyryp tıeý - 1 tonna úshin 320,09 teńge mólsherinde (QQS-syz) (buryn 1 tonnaǵa (QQS-syz) 128,43 teńge tarıf bolǵan);

- «Maqat» munaı aıdaý stantsııasynda munaıdy «Keńqııaq - Atyraý» munaı qubyryna aýystyryp tıeý - 1 tonna úshin 2 283,27 teńge mólsherinde (QQS-syz) (buryn 1 tonnaǵa (QQS-syz) 1 118,10 teńge tarıf bolǵan);

- «Keńqııaq» bas munaı aıdaý stantsııasynda munaıdy aýystyryp tıeý - 1 tonna úshin 337,5 teńge mólsherinde (QQS-syz) (buryn 1 tonnaǵa (QQS-syz) 89,15 teńge tarıf bolǵan);

- biryńǵaı marshrýttaý jónindegi operatorlyq qyzmet - 1 tonna úshin 84,47 teńge mólsherinde (QQS-syz) (buryn 1 tonnaǵa (QQS-syz) 41,45 teńge tarıf bolǵan);

- Qazaqstannan tys jerlerge eksporttaý maqsatynda N.N. Shmanov atyndaǵy munaı aıdaý stantsııasyndaǵy munaıdy 1 tonna úshin 1000,00 teńge mólsherinde (QQS-syz) «Keńqııaq - Atyraý» munaı qubyryna aýystyryp tıeý (buryn 1 tonnaǵa (QQS-syz) 500 teńge tarıf bolǵan).

Kórsetilgen tarıfter 1 mamyrdan bastap qoldanysqa engiziledi.