«QazTransGaz-Tbılısımen» jaǵdaı Grýzııadaǵy qazaqstandyq ınvestıtsııalarǵa áserin tıgizbeıdi
BAKÝ-TBILISI. 30 sáýir. QazAqparat - Qazirgi tańda Grýzııanyń ekonomıka jáne qarjy mınıstrligi «QazTransGaz-Tbılısıge» qazaqstandyq menedjmentti qaıtarý baǵytynda birlesip jumys isteýde, jáne bul másele sheshiletin bolady.
Bul týraly tilshilerge bergen suhbatynda Grýzııanyń qarjy mınıstri Gıorgı Kvırıkashvılı málimdedi.
«Biz «QazTransGaz-Tbılısımen» baılanysty aǵymdaǵy túıitkilder úshin Qazaqstanmen ınvestıtsııalyq qarym-qatynas nasharlaıdy dep oılamaımyz», - dep atap ótti G. Kvırıkashvılı.
Grýzııalyq mınıstrdiń sózinshe, «QazTransGaz-Tbılısımen» jaǵdaı eki memlekettiń ekonomıkalyq qarym-qatynasyna áserin tıgize almaıdy, ásirese, másele aýqymdy ınvestor bolyp tabylatyn memleket týraly bolyp otyrǵanda.
Eske sala keteıik, «QazTransGaz» qazaqstandyq kompanııasy «Tbılgaz» Tbılısı gaz úlestirý kompanııasynyń aktıvterine 2006 jyldyń mamyrynda ınvestıtsııalyq stavka boıynsha jeńisinen keıin ıe boldy. Investor kompanııa úshin 12,5 mıllıon AQSh dollaryn tóledi. 2009 jyly Grýzııalyq energetıkany jáne sýmen qamtýdy retteý ulttyq komıssııasy «QazTransGaz-Tbılısıdiń» arnaıy menedjerin taǵaıyndady. Basshylyqtyń aýysýyna sebep kompanııanyń 80 mıllıon ları kólemindegi (1 ları = 0,5742 AQSh dollary) bereshegi boldy, onyń 68 mıllıon larıin «QazTransGaz-Tbılısı» Grýzııanyń munaı jáne gaz korporatsııasyna qaryz.
Buǵan deıin Grýzııanyń energetıka mınıstri Kaha Kaladze qazaqstandyq kompanııaǵa qaryzyn Grýzııanyń Qazaqstanǵa memlekettik bereshegi esebinen (onyń kólemi 100 mıllıon AQSh dollaryn quraıdy) jabýdy usynǵan edi.
