QazTransGaz rebrendıng ótkizip, «QazaqGaz» atandy
Rebrendıng tek kompanııanyń ataýy men logotıpin ózgertýge ǵana qatysty emes, ol ishki bıznes-protsesterdi transformatsııalaý jáne jańa ulttyq gaz kompanııasynyń brendin syrttaı qabyldaý jónindegi is-sharalar keshenin qamtıdy.
Qazaqstanda gaz salasyna degen kózqaras uzaq ýaqyt boıy qaldyq prıntsıpi boıynsha baǵalanyp keldi. Munaıǵa degen joǵary baǵa kezinde memleket, ınvestorlar «qara altynmen» jumys isteýdi jón kórdi, suıyq kómirsýtekterdi óndirýdi ulǵaıtý quraly retinde ilespe gazdy qoldana otyryp, munaı ken oryndaryn óńdedi.
Sońǵy ýaqytta álemdik masshtabta gazdyń róli aıtarlyqtaı ósti. Tabıǵı gaz, basqa kómirsýtekti shıkizat arasynda, jańartylatyn energııa kózderi damyǵan saıyn tómen kómirtekti ekonomıkaǵa kóshýdi qamtamasyz ete otyryp, dástúrli otyn túrlerin kóbirek almastyryp otyr.
«QazaqGaz» ulttyq kompanııasy búkil otandyq gaz salasyn damytýdyń jańa kezeńin bastamaq. Keshendi jospardyń alda iske asyrylýyna baılanysty, kompanııanyń strategııasy ishki jáne halyqaralyq naryqtardaǵy jańa ustanymdardy da qamtıdy.
«QazaqGaz» ataýy men jańa fırmalyq belgisi kompanııa bıznesiniń baǵyttaryn neǵurlym aıqyn kórsetedi, buǵan deıingi ataý men logotıp negizinen tek gaz tasymaldaýdy ǵana bildiretin. Jańa logotıp kompanııa qyzmetiniń búgingi baǵyty men gaz salasynyń qazirgi zamanǵy bolmysyna sáıkes keledi.
Logotıptiń negizgi mazmuny – alaýlap aspanǵa órlegen spıral - dınamıkalyq qozǵalys pen ekpindi damýdy bildiredi. Logotıptiń negizi retinde beınelengen jalyn tili - kún sımvoly, úıge jylýlyq pen jaılylyq ákeletin ot-jalyn – ata-babalarymyz nanym-senimindegi tazarý belgisi. Qasıetti nyshan retinde otqa degen kózqaras ejelgi zamannan beri túrki halyqtarynyń salt-dástúrlerinde bolǵan. Osy janǵan alaýdy bildiretin kompanııanyń fırmalyq belgisinde kógildir jáne jasyl reńkterdiń bolýy tabıǵı gazdyń ekologııalylyǵyn bildiredi, bul búgingi álemdik trend.
Jańa brend kompanııanyń ýaqyt synynan ótken barlyq basymdyqtaryn, atap aıtqanda evolıýtsııalyq damýdy, aýqymdy isterdi, turaqtylyq pen senimdilikti bildiredi.
Munymen qatar, «QazaqGaz» ulttyq kompanııasynyń basty ustanymynyń biri – gaz salasynyń baı tarıhyn eshqashan umytpaý, ǵasyrdan astam tarıhy bar munaı-gaz salasynda jınaqtalǵan úzdik tájirıbelerdi utymdy paıdalaný.
Bul oraıda «QazaqGaz» ulttyq kompanııasy óz jumysynda eń sońǵy ǵylymı-tehnıkalyq jetistikterdi jáne ónerkásiptik tehnologııalar men bıznes júrgizý, menedjmentke qatysty zamanaýı tásilderdi qoldana otyryp serpindi damýdy maqsat etip otyr.
