«QazTransGaz» Qyrǵyzstannyń soltústigine jetkiziletin gaz mólsheriniń kemý sebepterin túsindirdi
ASTANA. 16 jeltoqsan. QazAqpart - Satyp alý-satý kelisimine sáıkes «QazTransGaz» AQ Qyrǵyz Respýblıkasynyń soltústigine qazaqstandyq gazdyń jetkizilýin iske asyrady.
2012 jyldyń qarasha aıynda «Qyrǵyzgaz» AAQ «Ýztransgaz» AQ-men ózbek gazyn aǵymdaǵy jyldyń 1 jeltoqsanynan bastap Qyrǵyzstannyń soltústigine jetkizý jóninde kelisimge qol qoıdy. Jeltoqsannyń birinshi onkúndiginde aýa temperatýrasynyń tómendeýine jáne jeke qajettilikterdiń artýyna baılanysty ózbek tarapy Qyrǵyz Respýblıkasyna ózbekstandyq gazdyń jetkizilýin shektedi, al 2012 jyldyń 13 jeltoqsanynan bastap gaz berýdi toqtatatyny jóninde uıǵarym jiberdi.
Aıta ketken jón, «QazTransGaz» AQ qyrǵyzstandyq áriptesterin birneshe ret tabıǵı gaz resýrstarynyń shektelýi jáne ony jetkizýde mólsherdiń tómendetiletini jóninde eskertken bolatyn.
Aýa raıynyń kúrt sýytyp, temperatýranyń tómendeýine jáne ózbek gaz mólsheriniń shektelýine, sondaı-aq Qazaqstannyń ońtústik óńirindegi gazdy paıdalanýdyń artýyna baılanysty «QazTransGaz» AQ «Qyrǵyzgaz» AAQ-na gaz jetkizýdi ishinara shektedi.
Qyzǵyz tarapynyń jalpy kóleminde 26,6 mln. dollar qaryzyna qaramastan «QazTransGaz» AQ Qyrǵyz Respýblıkasyna tabıǵı gaz jetkizýdi jalǵastyrýda.
