«QazTransGaz» kompanııasy Astanada jekpe-jekter kesheniniń qurylysyn bastaıdy
ASTANA. 23 aqpan. QazAqparat - Bıyl naýryz aıynda Astanadaǵy jekpe-jekter kesheniniń qurylysy bastalady. Bul týraly keshegi spartakıada aıasynda jýrnalısterge suhbat bergen «QazTransGaz» kompanııasynyń bas dırektory Serik Sultanǵalı málim etti.
Onyń habaralýynsha, sport kesheniniń jobasyn «Hyundai» kompanııasy ázirlep shyqty. «Búginde bul kompanııa osy ispeti nysandardy jobalaý jáne salý jaǵynan álemdik brendke aınaldy. Bizdińshe, jańa sport kesheni Astana sáýletiniń taǵy bir týyndysy bolady», - deıdi S.Sultanǵalı. Nysan qurylysyn kelesi jyly aıaqtaý josparlanǵan. Keshen 5 myń adamǵa eseptelgen. Onyń ishinde boks, kúres, dzıýdo, aýyr jáne jeńil atletıka sııaqty sport túrleri boıynsha sektsııalar ashylady. Sondaı-aq bul jerde qonaq úı, basseın, SPA men fıtnes ortalyǵy bar sporttyq-saýyqtyrý bólimi bolady.
