«QazTransGaz» kompanııalar toby 10 jylda bıýdjetke 721 mlrd. teńgeden astam salyqtar men basqa da mindetti tólemderdi tóledi

Bul jaıynda búgin Astanada ótken «QazTransGaz» AQ 10 jyl ishindegi qyzmetiniń qorytyndylary jáne keleshektegi josparlary» atty baspasóz máslıhaty barysynda taratylǵan baspasóz baıanynda kórsetilgen, dep habarlaıdy QazAqparat.

«QazTransGaz» AQ Jurtshylyqpen baılanys departamentiniń málimetinshe, byltyr elimizdiń gaz tasymaldaý júıesine salynǵan kapıtaldyq salymdardyń jalpy kólemi 250 mlrd. teńgege jetti. «2009 jyldyń qorytyndysy boıynsha «QazTransGaz» AQ kompanııalar tobynyń jalpy paıdasy 200 mlrd. teńgeden asty. Bul kompanııa qurylǵan 2000 jylǵy kórsetkishten 5 ese kóp. Kompanııa rentabeldiliginiń kórsetkishi 17 paıyz boldy. Bul úzdik munaı-gaz kompanııalarynyń deńgeıine sáıkes keledi», delingen taratylǵan habarlamada.