«QazTransGaz Aımaq» túrkistandyq kásipkerlerden sebepsiz qosymsha aqy alyp otyrǵan

TÚRKІSTAN. QazAqparat - Túrkistan oblysynyń prokýratýrasy qadaǵalaý barysynda taýarlyq gaz tutynýshylarynyń quqyǵy buzylǵanyn anyqtady, dep habarlaıdy QazAqparat.

«QazTransGaz Aımaq» AQ Túrkistan óndiristik fılıaly kásipkerlik qyzmetti júzege asyratyn kommýnaldyq-turmystyq tutynýshylarǵa zańsyz talaptar júktegen.

Nátıjesinde gaz tutynýdyń táýliktik kólemi artqan kezde olarǵa ár táýlik úshin 1,2 – 1,5 mólsherinde joǵary koeffıtsıent qoldanylǵan.

Qoldanystaǵy zańnamaǵa sáıkes mundaı talaptar tek ónerkásiptik tutynýshylarǵa taratylyp qoldanylýy múmkin.

Prokýrorlyq qadaǵalaý aktisi boıynsha ónim berýshiniń joǵary koeffıtsıentti qoldaný múmkindigi joıylyp, 37 kásipkerdiń quqyǵy qorǵaldy jáne olarǵa negizsiz óndirlgen 4,7 mln teńge qaıtaryldy.