«QazTransGaz Aımaq» kompanııasyna 944 mln teńge aıyppul salyndy

ASTANA. QazAqparat - QR Ulttyq ekonomıka mınıstrliginiń Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti  «QazTransGaz Aımaq» AQ-yna qatysty tekserýdi aıaqtady, dep habarlaıdy QazAqparat komıtettiń baspasóz qyzmetine silteme jasap.

«Tergep-tekserý qorytyndysy boıynsha kompanııa kommýnaldyq-turmystyq jáne ónerkásiptik tutynýshylardan taýarlyq gazdyń shartty kólemin kem alǵany úshin aqshalaı aıyppul óndirip alǵany anyqtalǵan. Bul rette aıyppuldy óndirýdiń ekonomıkalyq, tehnologııalyq negizdemesi bolmaǵan, sondaı-aq bul tutynýshyǵa qatysty kemsitýshilik sıpatta bolyp tabylady», - delingen habarlamada. 

Atalmysh fakti boıynsha ákimshilik is qozǵalyp, onyń materıaldary sotqa beriledi. 

Budan basqa, TMRB j TQQK kompanııaǵa kemshilikterdi joıý, qarajatty qaıtarý jáne gazdy kem alǵany úshin aıyppul alýdy kózdeıtin talaptardy kelisimsharttardan alyp tastaý jóninde nusqaý jarııalady. 

2017 jylǵy 28 qarashada Astana qalasynyń soty kompanııany ÁQBtK-niń 159-babynyń 4-bóliginde kózdelgen ákimshilik quqyq buzýshylyq jasaǵany úshin ákimshilik jaýapkershilikke tartý jáne memleket kirisine 944 855 296 (toǵyz júz qyryq tórt mıllıon segiz júz elý bes myń eki júz toqsan alty) teńge mólsherinde aıyppul túrindegi ákimshilik jaza qoldaný týraly qaýly etti.