«QazTransGaz Aımaq» boryshkerlerdi gazsyz qaldyrmaq

ASTANA. QazAqparat - «QazTransGaz Aımaq» AQ Bas dırektory Manas Tasybaev gazǵa qomaqty qaryzdaryn tólemeı júrgender kompanııaǵa úshin úlken aýyrtpalyq bolyp turǵanyn málim etti, dep habarlaıdy QazAqparat.

«Jyl saıyn gazǵa jınaqtalǵan qaryzdar máselesine tap bolamyz. Ótken jyly jylý berý maýsymy sońynda qaryzdar 21 mıllıard teńgeni qurady. Bul óz kezeginde bizdiń kompanııa úshin óte úlken júkteme. Búginde bereshek somasy 12 mıllıard teńge azaıdy», -dep toqtaldy Tasybaev Ortalyq kommýnıkatsııalar qyzmetindegi baspasóz máslıhatynda.

Bul turǵyda ol jergilikti atqarýshy organdar boryshkerlermen tıisti jumystardy júrgizip jatqanyn atap ótti.

«Negizinen qaryzdar jylý-energetıkalyq kompanııalarǵa tıesili. Bizdiń tutynýshylarǵa áser etpese de, alaıda boryshtaryn óteýge asyqpaıtyndar gazsyz qalýy múmkin ekenin eskertemin. Jaǵylǵan gaz úshin qaryzdy tóleý kerek», - dedi Manas Tasybaev.

Baspasóz máslıhatyndaǵy baıandamasynda QR Energetıka vıtse-mınıstri Maǵzum Myrzaǵalıev 2018 jyldyń 8 aıynda gaz óndirý kólemi 35,1 mlrd tekshe merdi (118%) quraǵanyn, sondaı-aq 1,9 mln tonna suıytylǵan gaz (114,4 %) óndirilgenin jetkizdi.