«QazTransGaz Aımaq» AQ-y alǵashqy jartyjyldyqta gaz satylymyn 1,4 esege ulǵaıtty
ALMATY. 25 tamyz. QazAqparat - «QazTransGaz Aımaq» AQ-da birinshi jartyjyldyqta 5 mlrd. 332 mln. tekshe metr gaz satyldy. 2011 jyldyń sákes kezeńinde bul 3 mlrd. 829 mln. tekshe metr kóleminde bolǵan bolatyn.
Ósim 40 paıyzdy qurap otyr. Bıyl gaz tasymaly 3 mlrd. 92 mln. tekshe metrdi qurady, bul ótken jyldyń birinshi jartysymen salystyrǵanda (2 mlrd 748 mln. tekshe metr gaz) 12 paıyzǵa artyq. Kompanııanyń baspasóz qyzmetiniń habarlaýynsha, 30 maýsymdaǵy málimet boıynsha aktsıonerlik qoǵamnyń aktıvteri - 85 mlrd 366 mln teńgeni qurady. Bul jyl basynda 67 mlrd. 243 mln. teńge kóleminde bolǵan edi. Ol 6 aıda 1,3 ese ósip otyr.
Jalpy sońǵy 10 jylda «QazTransGaz Aımaq» AQ-y gaz satylymyn 900 mln. tekshe metrden 10 mlrd. tekshe metrge deıin, 10 esege arttyrdy. Kompanııa bıyl 2011 jylǵa qaraǵanda gaz satýdy 30 paıyzǵa ulǵaıtyp, ony 10 mlrd. tekshe metrden asyrmaq. Ótken 10 jyldyń ishinde kompanııa abonentteriniń sany 112 myńnan 740 myń nemse 6,6 esege ósti. Kompanııanyń paıdalanýyndaǵy gaz taratý qubyrlarynyń jalpy uzyndyǵy da bul kezeńde 2 esege kóbeıip, búgingi kúni 19 000 shaqyrymnan asyp otyr. Sońǵy 4 jylda gaz taratý jelilerine kúrdeli qarjy salymy 4,5 esege artyp, 2011 jyldyń qorytyndysy boıynsha 7 mlrd 995 mln. teńgeni qurady.
