«QazTransGaz Aımaq» AQ qyzmetkerleri arasynda spartakıada uıymdastyryldy
ALMATY. 12 qyrkúıek. QazAqparat /Ádilet Musahaev/ - Ótken aptada «Almaty» SPA shıpajaıynda «QazTransGaz Aımaq» AQ qyzmetkerleriniń arasynda spartakıada ótti,
dep habarlaıdy atalǵan mekemeniń baspasóz ortalyǵy.
«QazTransGaz Aımaq» AQ Ortalyq apparaty men óńirlerdegi óndiristik fılıaldarynyń qyzmetkerlerinen jasaqtalǵan komandalar aıtýly sporttyq mereke sheńberinde ózara kúsh synasyp, tózimdilikteri men sheberlikterin baıqasty.
Baǵdarlamaǵa sáıkes, alǵashqy kúni shaǵyn fýtbol, voleıbol jáne shahmat oıyndary boıynsha báseke uıymdastyryldy. Al ekinshi kúni qatysýshylar sýda júzý (erler - 100 m qashyqtyqqa, áıelder - 50 m qashyqtyqqa), jeńil atletıka - «Prezıdenttik mılge» júgirý (erler - 1,5 shaqyrymǵa, áıelder - 750 m) jáne tennısten baq synasty.
Sporttyq oıyndardyń 6 túri boıynsha úzdikter anyqtalatyn jarys jolyna 116 qatysýshy shyqty. Týrnırge kompanııanyń Ortalyq apparaty, Aqtóbe, Jambyl, Batys Qazaqstan, Qostanaı, Qyzylorda, Mańǵystaý jáne Ońtústik Qazaqstan óndiristik fılıaldarynyń ókilderi de qatysty.
«Spartakıadanyń negizgi maqsaty - qyzmetkerler arasynda sportqa degen qyzyǵýshylyqty arttyrýdy, dene shynyqtyrýdy densaýlyqty jaqsartý men belsendi demalystyń bir quraly retinde nasıhattaýdy jáne sport sheberlikterin shyńdaýdy kózdep otyr»,- deıdi «QazTransGaz Aımaq» AQ bas dırektory Qaırat Sháripbaev. Salaýatty ómir saltynyń jarqyn kórinisi retindegi sport merekesine kompanııanyń kez kelgen qyzmetkeri - oıynshy nemese jankúıer retinde qatysýyna múmkindik jasaldy. Sóıtip 4 myńnan astam jumyskerdiń birligi men men yntymaǵyn arttyrýǵa septigin tıgizetin alańǵa aınaldy.
Komandalyq sport oıyndarynyń jeńimpazdary spartakıadanyń arnaıy Kýbogimen al úzdik dep tanylǵan jeke jeńimpazdar qundy syı-sııapatpen marapattaldy. Budan ózge eń belsendi jankúıer retinde kózge túsken qatysýshyǵa arnaıy júlde taǵaıyndaldy.
