«QazTransGaz Aımaq» AQ basshylyǵynda birqatar kadrlyq ózgerister boldy

ASTANA. QazAqparat - «Samruq-Qazyna» Ulttyq ál-aýqat qory» AQ Basqarmasynyń 2014 jylǵy 28 qazandaǵy №48/14 sheshimine sáıkes, «QazTransGazAımaq» AQ Basqarma tóraǵasy (Bas dırektory) Sháripbaev Qaırat Qamataıulynyń ókilettiligi ýaqytynan buryn toqtatyldy, dep habarlandy ktga.kz resmı saıtynda.

Osy sheshimge sáıkes, «QazTransGazAımaq» AQ Basqarma tóraǵasy (Bas dırektory) qyzmetine Serdi Ibýlla Jumaǵululy taǵaıyndaldy.

Buǵan deıin Serdi I.J. «QazTransGaz Aımaq» AQ Bas dırektorynyń orynbasary laýazymyn atqardy. Serdi synda 2003 jyldan bastap qyzmet etedi. Ol M.Tynyshpaev atyndaǵy Qazaq kólik jáne kommýnıkatsııalar akademııasyn, ınjener-ekonomıst (1999 j), sondaı-aq, Q.Sátbaev atyndaǵy Qazaq ulttyq tehnıkalyq ýnıversıtetin munaı-gaz isi mamandyǵy boıynsha támamdaǵan. 2003-2005 jj. «InterGaz Ortalyq Azııa» AQ tenderlik rásim men kelisimshart monıtorıngi departamentiniń bas mamany, 2006 jyldan bastap, «Qazaqstan Temir Joly» UK» AQ satyp alý monıtorıngi men baqylaý bóliminiń bastyǵy bolǵan. Keıingi jyldary bıznes-qurylymdarda laýazymdyq qyzmetterde jumys istegen. 2009 jyldan bastap, «KazTransGazAımaq» AQ-da jumys isteıdi. Osy jyldyń qazan aıynan bastap, Mańǵystaý óndiristik fılıalynyń dırektory. 2011 jyldyń qyrkúıek aıynan kelisimshart jáne baǵa monıtorıngi departamentiniń dırektory, keıinnen «KazTransGaz Aımaq» AQ basqarýshy dırektory laýyzymyn atqardy. 2013 jyldyń qyrkúıek aıynan bastap, Bas dırektordyń orynbasary.