«QazTransGaz-Aımaq» AQ bəskelestik týraly qaǵıdany buzdy - kəsipkerler
ALMATY. QazAqparat - Almatyda Kəsipkerler palatasy alańynda «QazTransGaz-Aımaq» AQ men 14 gaz kompanııasynyń basshylary bas qosty, dep habarlaıdy QazAqparat tilshisi.
Jıyn barysynda gaz kompanııalarynyń basshylary «QazTransGaz-Aımaq» kompanııasynyń «Zenıt TVK» JShS múddesin kóbirek qorǵaıtyndyǵyna shaǵymdandy.
Bıznesmenderdiń habarlaýynsha, «QazTransGaz-Aımaq» ózge kompanııalardan artyq qujat suratyp, ýaqyt sozyp, ədil bəsekelestik qaǵıdalaryn buzyp otyr.
Sonymen qatar «QazTransGaz-Aımaq» «Zenıt» JShS qosymsha ər túsken tapsyrysqa 80 myń teńge tólep otyr.
«Bizdiń tapsyrys berýshilerimiz Almaty jəne Jetisý fılıaldarynda 5 aptaǵa deıin kútedi. Gazben qamtý jobasyn tirkeýge 2 apta, qabyldap tapsyrý sharalary 2 apta, jobany maquldaýǵa 4 apta ýaqyt ketedi», - dedi «Jańa-dəýir» JShS ókili Jýasbek Seıitjaparov.
Onyń aıtýynsha, adamdar kógildir otynǵa 4 aıda əreń qosylady.
«QazTransGaz-Aımaq» AQ ókilderi bolsa olar eshbir komanııalardyń múddesin qorǵamaıtyndyǵyn aıtty.
«Qazir Almaty naryǵynda 87 kompanııa jumys istep keledi. Olardyń ərqaısysynyń óz tarıfi bar. Statıstıkaǵa bet bursaq, eshbir kompanııanyń múddesin qorǵap jatqan joqpyz. Bizdiń basty mindetimiz bəsekelesterdi yǵystyrý emes, eń aldymen halyqqa sapaly qyzmet kórsetý. Məselen basqa aýmaqtarda gazdan ýlaný jaǵdaılary bolsa, bizde ondaı derek tirkelgen joq. Aqpanda 216 úıge gaz tartyldy. Olardyń ishinde 64 úıge bizdiń kompanııa gaz tartty. Búkil naryqty biz jaýlap aldy degen artyq sóz», - dedi Almaty óndiristik bólimshesiniń dırektory Shalqar Omarbekov.
«QazTransGaz-Aımaq» AQ ókilderi tehnıkalyq qujattardy rəsimdeýge qatysty Almaty əkimdigi úlken jumys atqaryp jatqandyǵyn aıtty.
«2016 jyldan beri tehnıkalyq qujattardy 5 kún ishinde beremiz. Bul qujattama protsesiniń avtomattandyrylǵanynyń arqasynda múmkin bolyp otyr»,- dedi kompanııa ókili.
14 gaz kompanııasynyń ókili gaz tapsyrystaryn tenderden alyp tastap, kezek arqyly kompanııalar arasynda bólýdi usyndy.
