«QazTransGaz» AQ 2010 jyly 94 mıllıard kýb metrge deıin gaz tasymaldamaq
ASTANA. Sáýirdiń 16-sy. QazAqparat - «QazTransGaz» AQ 2010 jyly 94 mıllıard kýb metrge deıin gaz tasymaldaýdy josparlap otyr, delingen kompanııa taratqan aqparatta.
«2010 jyly «QazTransGaz» AQ Qazaqstannyń magıstraldy gaz qubyrlary arqyly 94 mıllıard kýb metrge deıin gaz tasymaldaýdy josparlap otyr. Onyń ishinde halyqaralyq tasymal - 71 mıllıard, al eksport 15 mıllıard kýb metr gazdy quraıdy. «QazTransgaz» AQ-ynyń óz qarjysy esebinen aǵymdaǵy jylǵy kapıtaldy salym kólemi 3 mıllıard 926,7 mıllıon teńge somasynda, al «Intergaz Ortalyq Azııa» AQ tarapynan 16 mıllıard 543,6 mıllıon teńge kóleminde qarastyrylýda», delingen baspasóz habarlamasynda.
Qazirgi ýaqytta «QazTransGaz» AQ óziniń «QazTransGaz» - Aımaq» jáne «QazTransGaz» - Almaty» enshiles kompanııalary arqyly OQO, BQO, Jambyl, Qyzylorda, Aqtóbe, Almaty, Qostanaı oblystarynyń jáne Almaty qalasynyń gaz tutynýshylaryna kógildir otyn jetkizip otyr.
Atalǵan kompanııa toptarynyń ishki naryqtaǵy ótken jylǵy jıyntyq gaz jetkizilimi 7,8 mıllıard kýb metrdi quraıdy, bul 2000 jylǵy kórsetkishten 7 eseden astam artyq.
