QazTemirTrans Qostanaı fılıalynyń dırektory para alǵany úshin sottaldy

ASTANA. QazAqparat - 2022 jylǵy 3 qazanda Qostanaı qalasynyń №2 soty «Qaztemirtrans» AQ Qostanaı fılıalynyń dırektory B. Ýsabekov pen «Vadısa M» JShS dırektory S. Taırovqa qatysty aıyptaý úkimin shyǵardy.

Joǵaryda atalǵan tulǵalar júk vagondaryn kedergisiz jáne jedel jetkizgeni úshin para aldy, berdi dep aıyptaldy.

Bul týraly QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap habarlaıdy.

Sot úkimimen Ýsabekovke ortasha qaýipsizdik mekemesinde 6 jylǵa bas bostandyǵynan aıyrý jazasy taǵaıyndaldy.

Sol úkimmen Taırovqa para berý faktisi boıynsha paranyń jıyrma eselengen somasy mólsherinde aıyppul taǵaıyndaldy, bul 24 mln teńgeni quraıdy.

Sottalǵandar ómir boıy memlekettik qyzmette qyzmet atqarý quqyǵynan aıyrylady.

Úkim zańdy kúshine engen joq.