«Qaztemirtrans» AQ-nyń burynǵy top menedjeri D.Álmýsınge halyqaralyq izdeý jarııalandy
ASTANA. QazAqparat - Astana qalasy boıynsha sybaılas jemqorlyqqa qarsy kúres qyzmeti 100 myń dollar kóleminde para alýda kúdikti dep tanylǵan «Qaztemirtrans» AQ-nyń burynǵy atqarýshy dırektoryna tuspaldaý jiberdi.
«QR QK-niń 311-babynyń 5-bólimimen (para alý) qarastyrylǵan asa aýyr qylmysty jasaǵany úshin 04.08.1961 jyly dúnıege kelgen Álmýsın Dúısembaı Toqymuly izdestirilýde. Ol Qaraǵandy qalasynyń týmasy, ulty qazaq, boıy 170-175 sm, orta deneli, shashy qylaý túsken qara, kózderi qara», - delingen habarlamada.
Sondaı-aq Astana qalasynyń sybaılas jemqorlyqqa qarsy kúres qyzmetiniń baspasóz qyzmetinde kúdikti er adamnyń 2014 jyldan beri izdestirilip otyrǵanyn atap ótti. Іzdeýdegi adam anyqtalsa nemese onyń ornalasqan jeri týraly qandaı da bir aqparat belgili bolsa, onyń bolýy múmkin jeri týraly 87019102070, 87017975647, 8 (7172) 756536, 756535, 756522,756632 telefon nómirlerine habarlasý kerek. Bul aqparat úshin syıaqy qarastyrylǵan. Habarlasqan adamnyń esiminiń atalmaýyna kepildik beriledi.
