«Qaztemirtrans» AQ-da temir qaldyqtaryn ótkizý máseleleri jóninde júrgizilgen tekseris nátıjesi shyǵaryldy - Bas kólik prokýratýrasy
ASTANA. 17 maýsym. QazAqparat - Bas kólik prokýratýrasy «Qazaqstan temir joly» Ulttyq kompanııasy» AQ-nyń enshiles kásiporny - «Qaztemirtrans» AQ-da jáne onyń qurylymdyq bólimshelerinde ınventarlyq parkten shyǵarylǵan júk vagondaryn esepten shyǵarý jáne satý máseleleri boıynsha tekseris júrgizdi,
dep habarlady Bas kólik prokýratýrasy.
Tekseris barysynda «Qaztemirtrans» AQ, «QTJ» UK» AQ dırektorlar keńesiniń 05.09.2003 jylǵy sheshimimen qurylǵan jáne Qazaqstan Respýblıkasy ınventarlyq júk vagon parkiniń balans ustaýshysy bolyp tabylatyndyǵy anyqtaldy.
2006 jyldan bastap qazirgi tańǵa deıin «Qaztemirtrans» AQ, onyń qurylymdyq bólimsheleri jáne enshiles kásiporyndary ártúrli kásiporyndarǵa 16 027 esepten shyǵarylǵan júk vagondary, sondaı-aq 133 766,1 tonna júk vagondaryn jóndeý jáne ózge de óndiristik qyzmet barysynda paıda bolǵan qara metaldardyń lomy jáne qaldyqtaryn satqan.
Kásiporynnyń atalǵan múligi naryqtyq baǵamen salystyrǵanda anaǵurlym tómen baǵamen satylǵan, nátıjesinde «Qaztemirtrans» AQ-ymen tabys mıllıardtaǵan teńgege kem alynǵan.
Esepten shyǵarylǵan júk vagondaryn jáne qara metaldardyń qaldyqtary men lomyn ártúrli sharýashylyq júrgizýshi sýbektilerge satý olardyń baǵa usynystary negizinde júzege asyrylǵan.
Al satyp alýshylar, óz kezeginde «Qaztemirtrans» AQ-nan esepten shyǵarylǵan júk vagondaryn jáne qara metaldardyń qaldyqtary men lomdaryn tómendetilgen baǵamen satyp ala otyryp, qandaı da bir qomaqty shyǵynsyz, bul múlikti úshinshi tulǵalarǵa satyp alý qunynan eki jáne odan da kóp ese qymbat baǵamen satyp otyrǵan.
Mysaly, 2011 jyly «Qaztemirtrans» AQ 5 myń tonna kóleminde esepten shyǵarylǵan júk vagondary jáne qara metaldardyń qaldyqtary men lomdaryn orta eseppen tonnasyna 18,5 myń teńgege «Magnıtka» JShS-ne satqan.
Óz kezeginde, «Magnıtka» JShS bul taýardy tonnasyna 46 325 teńgege qaıta satqan.
Aıta ketý qajet, «Magnıtka» JShS-niń óndiristik bazasy, satyp alynyp otyrǵan metallolomnyń 90% ornalasqan Aqmola vagon jóndeý zaýytynyń aýmaǵynda ornalasqan.
Sonymen qatar, 2010 jyldyń maýsym aıynan qazirgi kúnge deıingi ýaqyt aralyǵynda «Kazkommertsbank» AQ-nyń Aqmola fılıalyndaǵy «Magnıtka» JShS-niń esepshotynan 250 mln. teńgeden astam qarjy qolma-qol alynǵan, osyǵan oraı qazirgi ýaqytta atalǵan JShS-de keshendi salyq tekserisi taǵaıyndaldy.
Qazirgi tańda Astana qalasy Sot saraptamasynyń aımaqtyq ǵylymı-óndiristik zerthanasy Bas kólik prokýratýrasy taǵaıyndaǵan sot-taýartaný saraptamasyn aıaqtady.
Saraptama qorytyndysyna sáıkes qara metaldardyń qaldyqtary men lomdaryn jáne bólinbegen lomdardy kóterme satyp alýdyń naryqtyq baǵasy men atalǵan múlikti 2007 - 2011 jyldarda satýdan «Qaztemirtrans» AQ-na túsken tabystyń aıyrmashylyǵy 3 mıllıardqa jýyq teńgeni quraıdy, tıisinshe aktsıonerlik qoǵamǵa joǵaryda kórsetilgen soma kóleminde tabys túspeı qalǵan.
Atalǵan jaǵdaı «QTJ» UK» AQ-y jáne «Qaztemirtrans» AQ-da metallolomdy satyp alýshyny tańdaýdyń naqty reglamentteý rásiminiń joqtyǵy sebebinen týyndap, nátıjesinde jemqorlyqqa jaǵdaı týǵyzyp otyr.
Qazirgi ýaqytta «QTJ» UK» AQ-da negizgi múlikti esepten shyǵarý nátıjesinde paıda bolatyn qara jáne tústi metaldardyń qaldyqtary men lomdarynyń satýdyń eń tómengi baǵasyn anyqtaý boıynsha Komıssııa jumys isteýde.
«QTJ» UK» AQ prezıdentiniń 24.08.2009 jylǵy № 529-Ts sandy buıryǵymen bekitilgen atalmysh Komıssııa týraly Erejege sáıkes, onyń otyrysy alty aıda bir ret nemese metallolomǵa álemdik baǵanyń ózgerýin eskere otyryp, qajet bolǵan jaǵdaılarda ótkizilýi kerek.
Tekseris barysynda Komıssııa jumysy satylyp otyrǵan metallolom baǵasynyń «QTJ» UQ» AQ-nyń ekonomıkalyq múddesine sáıkes keletindeı ádil ornatýǵa esh septigin tıgizbeıtindigi anyqtaldy.
Kerisinshe, «QTJ» UQ» AQ-nyń Komıssııasy naryqtyq eń tómengi baǵaǵa qaraǵanda aıqyn tómendetilgen baǵalar ornatady jáne ony búrkene otyryp «QTJ» UQ» AQ-nyń enshiles kásiporyndary metallolomdy ulttyq kompanııanyń múddesine saı kelmeıtin baǵamen satyp otyrady.
2010 jyldyń 20 tamyzynda ótken Komıssııanyń májilisinde metallolomdy ótkizýdiń eń tómengi baǵasy 1 tonnaǵa shaqqanda 22 000 teńge bolyp bekitilgen.
Sonymen qatar, saraptama qorytyndysyna saı Qazaqstan boıynsha 2010 jyly 1 tonna lomnyń orta naryqtyq baǵasy 31 285 teńge bolsa, al 2011 jyly 38 735 teńgege deıin baǵa kóterilgen.
Osyǵan qaramastan, QTJ Komıssııasynyń májilisinde sońǵy 10 aıda eń tómengi satý baǵasy ósý baǵytyna qaraı ózgermegen.
Osylaısha, «Qaztemirtrans» AQ-nyń barlyq kelisimsharttarynda metallolomdy satý baǵasy naryqtyq baǵadan 2 ese tómen, ıaǵnı Komıssııa bekitken eń tómengi satý baǵasyna sáıkes kórsetilgen.
Qazirgi tańda ótkizilgen tekseris materıaldary Bas kólik prokýratýrasynyń Aryzdardy esepke alý kitabyna tirkelip, tekserý is-sharalary júrgizilýde.
Sondaı-aq, «QTJ UK» AQ-na zańdylyqty buzýdy joıýǵa usynys engizildi, usynysta kináli tulǵalardyń jaýapkershilikke tartylýy men negizgi múlikterdi bólshekteý jáne esepten shyǵarý nátıjesinde paıda bolǵan lom, qara jáne tústi metaldardy satýdy tek buqaralyq aqparat quraldary arqyly ashyq aýktsıon ótkiziletini týraly aqparat taratýǵa kózdelgen Erejelerdi daıyndaý kórsetildi.
Sonymen qatar, «QTJ UK» AQ-da basty ekonomıkalyq múddelerdi saqtaý Ulttyq kompanııa basshylarynyń ózderiniń bul máseleni tártipke salýǵa óz oıy, yntasy bolýy kerek.
