«Qazteleradıo» Qaraǵandy, Astana jáne Almaty qalalarynda ilki joba retinde sandyq habar taratatyn qurylǵy ornatpaq
ASTANA. 9 maýsym. QazAqparat /Aıdar Ospanalıev/ - Sandyq telearnany damytý baǵytynda ótken jyly Qaraǵandy qalasynda ilki joba qolǵa alyndy.
Bıylǵy jyly jobanyń jumysy aıaqtalady. Osyǵan qaraı «Qazteleradıo» kompanııasy Qaraǵandy, Astana jáne Almaty qalalarynda josparǵa saı ilki joba retinde sandyq habar taratatyn qurylǵy ornatatyn bolady. Bul týraly búgin jýrnalıstermen bolǵan baspasóz máslıhatynda Baılanys jáne aqparat mınsıtrliginiń baılanys jáne aqparattandyrý komıtetiniń tóraǵasy Rızat Nurshabekov aıtty.
Onyń sózine qaraǵanda, atalmysh baǵdarlamalar 3 jylǵa josparlanady. «Osyǵan qaraı shamamen 2017 jyldarǵa taman elde ádettegi telehabar taratý júıesin toqtatýymyz kerek»,-dedi ol.
