«Qazteleradıo» AQ Dırektorlar keńesiniń quramy ózgerdi

ASTANA. QazAqparat - Azat Mashabaev «Qazteleradıo» AQ Táýelsiz dırektory - Dırektorlar keńesiniń múshesi bolyp saılandy, dep habarlady atalǵan kompanııanyń baspasóz qyzmetinen.

«2016 jylǵy 29 shildedegi («Zerde» ulttyq ınfokýmmýnıkatsııalyq holdıngi» AQ) Jalǵyz aktsıonerdiń sheshimimen «Qazteleradıo» AQ Dırektorlar keńesiniń múshesi - Táýelsiz dırektory - retinde Mashabaev Azat Erkinuly saılandy», - delingen habarlamada.

Azat Mashabaev 1979 jyly týylǵan. Ál-Farabı atyndaǵy Qazaq ulttyq ýnıversıtetin «Halyqaralyq quqyq» mamandyǵy boıynsha, T. Rysqulov atyndaǵy Qazaq ekonomıkalyq ýnıversıtetin «Esep jáne aýdıt» mamandyǵy boıynsha, Bremen Memlekettik ýnıversıtetiniń zań fakýlteti magıstratýrasyn bitirdi. RWE AG,  Gambýrg q. (Germanııa), Іshki aýdıtorlardyń ınstıtýtynyń, Máskeý (Reseı), QMEBI jáne Táýelsiz dırektorlar qaýymdastyǵy (Qazaqstan) kýrstarynda oqýdan ótti.

1999-2001 jyldary «Kaspıı Banki» AQ zańdy keńesshi bolyp jumys istedi.

2004-2008 jyldary «QazMunaıGaz» UK» AQ ártúrli qurylymdarynda jumys istedi, ishki aýdıt qyzmetin, ishki aýdıt departamentin basqardy.

2008-2009 jyldary «Samuryq - Qazyna» ulttyq ál aýqat qory» AQ strategııalar, korporatıvti basqarý jáne aktıvterdi basqarý departamentine basshylyq etti. 2009-2010 jyldary «Katelko» AQ (Almaty) marketıng boıynsha basqarýshy dırektor bolyp jumys istedi.2010-2012 jyldary «Qazteleradıo» AQ Basqarma tóraǵasynyń birinshi orynbasary - ákimshili-strategııalyq basqarý jónindegi bas dırektorynyń laýazymynda jumys istedi, sondaı-aq Basqarmanyń quramyna kirdi. Keıin «Halyqqa qyzmet kórsetý ortalyǵy» RMK bas dırektorynyń birinshi orynbasary ornyn aldy.  2012-2014 jyldary QR Strategy Partners Group keńsesiniń basshysy boldy. 2014-2016 jyldary «Qazposhta» AQ Basqarma tóraǵasynyń orynbasary laýazymynda jumys atqardy. 2016 jyldyń mamyrynan bastap qazirgi ýaqyt arlyǵynda «EASTCOMTRANS» JShS bas dırektorynyń orynbasary.Ártúrli jyldary kelesi kompanııalardyń Dırektorlary keńesiniń quramyna kirdi jáne táýelsiz dırektory boldy: «Aýyl sharýashylyǵyn qarjylaı qoldaý qory» AQ, «Saryarqa» ÁKK UK» AQ, «Qazaq - Tájik tikeleı ınvestıtsııalar qory» AQ, «Qazaq - Qyrǵyz tikeleı ınvestıtsııalar qory» AQ, «QazAgroFınans» AQ.

Sonymen qatar, Tleýjan Tleshov «Qazteleradıo» AQ Dırektorlar keńesiniń múshesi bolyp saılandy.

«2016 jylǵy 29 shildedegi («Zerde» ulttyq ınfokýmmýnıkatsııalyq holdıngi» AQ) Jalǵyz aktsıonerdiń sheshimimen «Qazteleradıo» AQ Dırektorlar keńesiniń múshesi retinde Qazaqstan Respýblıkasynyń Aqparat jáne kommýnıkatsııalar mınıstriniń keńesshi mindetterin atqarýshy Tleshov Tleýjan Temıralıevıch saılandy», delingen habarlamada.

Tleýjan Tleshov 1981 jyly týylǵan. T. Rysqulov atyndaǵy Qazaq ekonomıkalyq ýnıversıtetin (burynǵy NARHOZ) ekonomıst mamandyǵy boıynsha, Qazaq ulttyq agrarlyq ýnıversıtetin zańger mamandyǵy boıynsha, «Agroónerkásiptik keshen ekonomıkasy jáne aýyldyq aýmaqtardy damytý» ǴZI RMK aspırantýrasyn ekonomıkalyq ǵylymdar kandıdaty deńgeıin ıelene otyryp ıaqtady.

2000-2003 jyldary «ATF Bank» AQ nesıeleý departamentinde jumys istedi. 2003-2010 jyldary «Meniń úıim» JShS dırektory.2010 jyly Qazaqstan Respýblıkasy Bilim jáne ǵylym mınıstriniń baspasóz - hatshysy boldy.2011-2014 jyldary Ó.A.Joldasbekov atyndaǵy ekonomıka jáne quqyq akademııasynyń «Áleýmettik-gýmanıtarlyq pánder jáne aqparattyq júıeler» kafedrasynyń aǵa oqytýshysy, «Ekonomıka jáne qarjy» kafedrasynyń aǵa oqytýshysy bolyp jumys istedi.

2012-2013 jyldary «Nursat» AQ kommertsııalyq dırektory laýazymynda jumys atqardy. 2014 jyldary «Otan» AJZQ» AQ ákimshilik dırektory bolyp jumys istedi. Ártúrli jyldarda kelesi kompanııalardyń Dırektorlary keńesiniń quramyna kirdi: «Prime Financial Solutions» AQ, «Otan» AJZQ» AQ, «Aqtóbe JES» AQ, «Samuryq Energo» AQ.