Qaztalov aýdanynda segiz júzge jýyq jańa jumys orny ashyldy - BQO
ORAL. QazAqparat - Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasynyń birinshi baǵyty - «tehnıkalyq, kásiptik bilimmen jáne qysqa merzimdi oqýmen qamtamasyz etý» aıasynda bıyl Qaztalov aýdanynda 210 adamdy oqytý josparlansa, 1 qazanǵa deıin 213 adam qysqa merzimdi oqýǵa joldandy. Bul týraly búgin óńirlik kommýnıkatsııalar qyzmeti alańynda aýdan ákimi Abat Shynybekov málim etti, dep habarlaıdy «QazAqparat» tilshisi.
Onyń aıtýynsha, sondaı-aq baǵdarlamanyń «Jappaı kásipkerlikti damytý» 2-baǵyty aıasynda «Bastaý bıznes» jobasy boıynsha 128 adam kásipkerlik negizderine oqyp, sertıfıkattaryn aldy. 39 adam 166,9 mln teńge kóleminde nesıege qol jetkizdi.
Osy baǵdarlamanyń 3-baǵyty aıasynda jastar tájirıbesine 86 jas maman, áleýmettik jumys oryndaryna 59 adam joldandy. Sonymen qatar memlekettik baǵdarlamalar aıasynda 10 joba boıynsha 246 jańa jumys orny ashylyp, jergilikti jerden 58 adam jumyspen qamtyldy.
Bıylǵy toǵyz aıda ekonomıkanyń barlyq salalarynda 762 jumys orny ashyldy.
Jumyspen qamtý qyzmeti arqyly 488 adam jumysqa ornalasyp, ótken jylǵy osy kezeńmen salystyrǵanda, 88 adamǵa kóbeıip otyr.
Aıta keteıik, 2016 jylǵy aýdan bıýdjeti 5 mlrd 949 mln teńge bolsa, bıyl 7 mlrd 242 mln teńgege jetip, ótken jylǵydan 21,7 paıyzǵa ósip otyr. Sonyń ishinde aýdannyń óz kirisi esebinde 773 mln teńge túsim túsip, ol 103,5 paıyzǵa oryndaldy.
Negizgi qarjyǵa qosylǵan ınvestıtsııa kólemi segiz aıda 3 088,3 mln teńgeni (2016 jylǵy sol merzimde - 2 025,7 mln teńge) qurady.
