Qaztalov aýdanynda kıik aýlaǵan brakonerler ustaldy

Bul jaıynda QR Aýyl sharýashylyǵy mınıstrligi Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet Feısbýktegi paraqshasynda jazdy, dep habarlaıdy QazAqparat tilshisi.

«2018 jyldyń 17 maýsymynda «Ohotzooprom» ÓB» kásipornynyń Batys aımaqtyq fılıalynyń ınspektorlary BQO Qaztalov aýdany Qarasý aýylynyń mańyndaǵy Súttigendi qystaǵynyń mańynda kúzet jumystary júrgizý kezinde VAZ - 21214 «NIVA» kóligin toqtatqan. Kólik ishinde 1978 jylǵy júrgizýshi, 1999 jáne 2000 jylǵy eki jolaýshy otyrǵan. Avtokólikti tekserý kezinde ishinen 4 kıiktiń kesilgen basy (múıizimen), ekioqpandy 12 kalıbrli ańshy qarýy, 12 kalıbrli 14 patron, qol arasy men eki pyshaq tabyldy», - delingen habarlamada.

Avtokóliktiń izin tekserý kezinde basy kesilip alynǵan 4 kıiktiń denesi de tabylǵan. Oqıǵa ornyna Qaztalov aýdanynyń ІІB men Jalpaqtal bóliminiń tártip saqshylary shaqyrylǵan. Atalǵan fakt boıynsha QR QK-nyń 377 baby 4-bóligi boıynsha qylmystyq is qozǵaldy.

Qazirgi ýaqytta tergeý amaldary júrgizilip jatyr.